படுகொலை செய்யப்பட்ட திமுக செல்வம்., வேட்புமனுவை தாக்கல் செய்த மனைவி சபீனா.!

நடைபெற உள்ள நகர்புற உள்ளாட்சித் தேர்தலுக்காக அரசியல் கட்சிகள் தீவிரமாக தங்களது தேர்தல் பணியை மேற்கொண்டு வருகின்றன.

இந்த நிலையில், இரு தினங்களுக்கு முன் சென்னை மடிப்பாக்கத்தில் திமுக வட்டச் செயலாளர் செல்வம் வெட்டி படுகொலை செய்யப்பட்டார். இந்த சம்பவம் அரசியல் கட்சியினர் மத்தியில் பெரும் பரபரப்பையும், அதிர்ச்சியையும் ஏற்படுத்தியது.

இந்த படுகொலை சம்பந்தமாக வழக்குப்பதிவு செய்து, விசாரணை மேற்கொண்டு வந்த போலீசார், இந்த சம்பவத்தில் தொடர்பு உள்ளதாக அதிமுக நிர்வாகி உள்ளிட்ட இரண்டு பேரை இன்று அதிரடியாக கைது செய்தனர்.

படுகொலை செய்யப்பட்ட செல்வம் நடைபெற உள்ள நகர்புற உள்ளாட்சித் தேர்தலில் போட்டியிட இருந்துள்ளார் என்பது குறிப்பிடத்தக்கது.

இந்நிலையில், சென்னை மடிப்பாக்கத்தில் கடந்த மூன்று நாட்களுக்கு முன்பு கொலை செய்யப்பட்ட திமுக பிரமுகர் செல்வத்தின் மனைவி சபீனா, இன்று நகர்ப்புற உள்ளாட்சி தேர்தலில் வேட்பாளராக களமிறங்கி வேட்புமனு தாக்கல் செய்துள்ளார்.