சென்னை மேயராக திமுக வேட்பாளர் பிரியா போட்டியின்றி தேர்வு.!!
chennai mayor priya
சென்னை மாநகராட்சி மேயர் பதவிக்கு போட்டியிட்ட திமுக வேட்பாளர் பிரியா போட்டியின்றி தேர்வு செய்யப்பட்டுள்ளார்.
சென்னை மாநகராட்சி மேயர் பதவிக்கு பிரியாராஜன் என்பவரும், துணை மேயர் பதவிக்கு மகேஷ்குமார் என்பவரும் திமுக சார்பாக வேட்பாளராக களமிறக்கப்பட்டனர்.
இதில் மேயர் பதவிக்கு களமிறங்கும் பிரியாராஜன் வடசென்னை பகுதியை சேர்ந்தவர். மேயர் பதவிக்கு களமிறங்கும் பிரியாராஜன் M.Com , MBA படித்த 28 வயது கவுன்சிலர் ஆவார்.
இந்நிலையில், சென்னை மாநகராட்சியின் மேயர் பதவிக்கு திமுகவின் பிரியா மட்டுமே வேட்புமனு தாக்கல் செய்ததால் போட்டியின்றி பிரியா தேர்வு செய்யப்பட்டதாக ஆணையர் ககன்தீப் சிங் பேடி அறிவித்துள்ளார்.
அதேபோல கோவை மாநகராட்சியின் புதிய மேயராக திமுக வேட்பாளர் கல்பனா ஆனந்தகுமார் போட்டியின்றி தேர்வு செய்யப்பட்டுள்ளார். கோவையின் முதல் பெண் மேயர் என்ற பெருமையை கல்பனா ஆனந்தகுமார் பெற்றுள்ளார்.