இயக்குனர் டி ராஜேந்திரனின் உடல்நலக்குறைவு குறித்து முதலமைச்சர் மு க ஸ்டாலின் நேரில் நலம் விசாரிப்பு.!

உடல் நலக்குறைவு காரணமாக மருத்துவமனையில் அனுமதிக்கப்பட்டுள்ள நடிகரும், இயக்குனருமான டி ராஜேந்திரரை, முதலமைச்சர் மு க ஸ்டாலின் நேரில் சந்தித்து நலம் விசாரித்துள்ளார்.

நெஞ்சுவலி காரணமாக கடந்த 19ஆம் தேதி சென்னை போரூரில் உள்ள தனியார் மருத்துவமனையில் இயக்குனர் டி ராஜேந்தர் அனுமதிக்கப்பட்டு, சிகிச்சை பெற்று வருகிறார்.

அவருக்கு வயிற்றில் இரத்தக்கசிவு ஏற்பட்டு இருப்பதை மருத்துவர்கள் கண்டறிந்து, அவருக்கு உயர் சிகிச்சை அளிக்கப்பட்டு வருகிறது.

இந்த நிலையில், இன்று அந்த தனியார் மருத்துவமனைக்கு நேரில் சென்ற தமிழக முதலமைச்சர் மு க ஸ்டாலின், டி ராஜேந்திரனின் உடல்நலக்குறைவு குறித்து நலம் விசாரித்தார்.

மேலும் அவருக்கு வழங்கப்படும் சிகிச்சை குறித்து மருத்துவர்களிடம் கேட்டறிந்தார்.