தமிழக அரசின் விருதுகள் பெறும் விருதாளர்கள் மதுக்கூர் ராமலிங்கம் அவர்களுக்கும், தமிழ்ப் பேரறிஞர்களுக்கும் மார்க்சிஸ்ட் கம்யூனிஸ்ட் கட்சி வாழ்த்து தெரிவித்துள்ளது.

இதுகுறித்து அக்கட்சியின் மாநிலசெயலாளர் கே பாலகிருஷ்ணன் விடுத்துள்ள அறிக்கையில், "இந்தியாவிலேயே முதன் முதலாக மே தினத்தை கொண்டாடிய வரலாற்று நாயகர் தோழர் சிங்காரவேலர் பெயரிலான விருது தீக்கதிர் ஆசிரியர் தோழர் மதுக்கூர் ராமலிங்கத்திற்கு தமிழக அரசின் தமிழ்வளர்ச்சித்துறை அறிவித்துள்ளது மகிழ்ச்சியளிக்கிறது. விருதுபெற்ற தோழர் மதுக்கூர் ராமலிங்கம் அவர்களை பாராட்டி மகிழ்கிறோம்.

அதுபோல விருதுகள் அறிவிக்கப்பட்ட திரு. நாஞ்சில் சம்பத், திரு. பாரதி கிருஷ்ணகுமார், திரு புலவர் செந்தலை கவுதமன், திரு. சூர்யா சேவியர், முனைவர் இரா. சஞ்சீவிராயர், முனைவர் கு. அரசேந்திரன், திரு. நா. மம்மது, முனைவர் மா. இராசேந்திரன், திருமதி பாரதி பாஸ்கர், திரு ஏ.எஸ். பன்னீர்செல்வம், திரு சு.கி. சிவம், திரு. நெல்லைக்கண்ணன், திரு. ஞான. அலாய்சியஸ் ஆகியோருக்கு மார்க்சிஸ்ட் கம்யூனிஸ்ட் கட்சியின் சார்பில் வாழ்த்துக்களையும், பாராட்டுக்களையும் தெரிவித்துக் கொள்கிறோம். மேலும் விருது பெறும் மலேசிய தமிழ் எழுத்தாளர் சங்கத்திற்கும், உயிர்மை திங்கள் இதழுக்கும் வாழ்த்துக்களை தெரிவித்துக் கொள்கிறோம்.

இத்தகைய விருதுகளின் வழியாக சமூகப் பணிகளை ஊக்குவித்து வளர்க்கும் தமிழ்நாடு அரசிற்கும், மாண்புமிகு முதலமைச்சர் மு.க.ஸ்டாலின் அவர்களுக்கும் மார்க்சிஸ்ட் கம்யூனிஸ்ட் கட்சியின் சார்பில் நன்றியையும், பாராட்டுக்களையும் தெரிவித்துக்கொள்கிறோம்."

இவ்வாறு கே. பாலகிருஷ்ணன் தெரிவித்துள்ளார்.