திமுக அமைச்சர் அனிதா ராதாகிருஷ்ணனின் ரூ. 1.26 கோடி மதிப்புள்ள அசையா சொத்துக்களை அமலாக்கதுறை முடக்கி உள்ளது.

இதுகுறித்த அமலாக்கத்துறையில் செய்திக்குறிப்பில், "சென்னை மண்டல அமலாக்க இயக்குனரகம், பணமோசடி தடுப்புச் சட்டம் (PMLA), 2002 இன் கீழ், மீன்வளம் - மீனவர் நலன் மற்றும் கால்நடை பராமரிப்புத் துறை அமைச்சர் அனிதா ஆர். ராதாகிருஷ்ணன் மற்றும் பணமோசடி குற்றத்தில் ஈடுபட்ட மற்றவர்களுக்குச் சொந்தமான தூத்துக்குடி, மதுரை மற்றும் சென்னையில் உள்ள ரூ. 1.26 கோடி மதிப்புள்ள அசையா சொத்துக்களை தற்காலிகமாக முடக்கியுள்ளது.

அனிதா ஆர். ராதாகிருஷ்ணன் தனது குடும்ப உறுப்பினர்களின் பெயரில், தனது வருமானத்திற்கு அதிகமாக சொத்து சேர்த்ததாக, தூத்துக்குடி ஊழல் தடுப்பு மற்றும் கண்காணிப்பு இயக்குனரகம் (DVAC) பதிவு செய்த முதல் தகவல் அறிக்கையின் அடிப்படையில் அமலாக்கதுறை விசாரணையைத் தொடங்கியது. 

இந்த முதல் தகவல் அறிக்கை, ஊழல் தடுப்புச் சட்டம் உள்ளடக்கியது. பின்னர், DVAC, 14.05.2001 முதல் 31.03.2006 வரையிலான காலக்கட்டத்தில், சுமார் ரூ. 2.07 கோடிக்கு வருமானத்திற்கு அதிகமாக சொத்து சேர்த்ததாக, தூத்துக்குடி தலைமை குற்றவியல் நடுவர் மற்றும் சிறப்பு நீதிபதி நீதிமன்றத்தில் இறுதி அறிக்கை/குற்றப்பத்திரிகை தாக்கல் செய்தது. 

2022 ஆம் ஆண்டு விசாரணையின் போது, பணமோசடியில் ஈடுபட்டதாகக் கண்டறியப்பட்ட சுமார் ரூ. 1.00 கோடி மதிப்புள்ள 18 அசையா சொத்துக்களை அமலாக்கதுறை தற்காலிகமாக முடக்கியது.

விசாரணையில், அனிதா ஆர். ராதாகிருஷ்ணன் மற்றும் அவரது குடும்ப உறுப்பினர்கள், குறிப்பிட்ட காலக்கட்டத்தில் சேர்த்த வருமானத்திற்கு அதிகமான சொத்துக்கள் (குற்றத்தின் மூலம் பெறப்பட்ட ஆதாயம்) இன்னும் வைத்திருப்பதும், திட்டமிடப்பட்ட குற்றத்தின் மூலம் நேரடியாகப் பெறப்பட்ட ஆதாயத்திலிருந்து மேலும் பலன்களைப் பெற்றிருப்பதும் தெரியவந்துள்ளது. 

மேலும், ஒரு பகுதி ஆதாயம் பல்வேறு நிறுவனங்களில் முதலீடு செய்யப்பட்டதும், அதாவது நிதி அமைப்பில் வைக்கப்பட்டு, பண வைப்புக்கள் மூலமாகவும், கடன் பெற்று பின்னர் பணமாக திருப்பிச் செலுத்துவதன் மூலமாகவும், அதை களங்கமற்றதாகக் காட்டுவதற்காகவும், இறுதியாக அந்த நிறுவனங்களிலிருந்து அதிக லாபம் ஈட்டுவதன் மூலமாகவும், குறிப்பிட்ட காலக்கட்டத்திற்குப் பிறகு மேலும் அசையா சொத்துக்களை வாங்குவதன் மூலமாகவும் பணமோசடி செய்யப்பட்டது கண்டறியப்பட்டது. 

விசாரணையின் போது, அனிதா ஆர். ராதாகிருஷ்ணன் மற்றும் அவரது குடும்ப உறுப்பினர்கள், ஏற்கனவே முடக்கப்பட்ட மற்றும் பணமோசடியில் ஈடுபட்டதாகக் கண்டறியப்பட்ட சொத்துக்களிலிருந்து மறைமுகமாக பெறப்பட்ட, சுமார் ரூ. 17.74 கோடி மொத்த ஆதாயத்தை (அனிதா ஆர். ராதாகிருஷ்ணன் மற்றும் அவரது குடும்ப உறுப்பினர்கள் குறிப்பிட்ட காலக்கட்டத்திற்குப் பிறகு வாங்கியது) ஈட்டியது தெரியவந்துள்ளது.

மேலும், மேலே குறிப்பிடப்பட்ட பெரும்பாலான அசையா சொத்துக்கள், அனிதா ஆர். ராதாகிருஷ்ணனின் குடும்ப உறுப்பினர்களால், 2022 இல் அமலாக்கதுறையால் ஏற்கனவே முடக்கப்பட்ட சொத்துக்களிலிருந்து பெறப்பட்ட நிதியிலிருந்து நேரடியாக வாங்கப்பட்டன. இது, அந்த சொத்துக்களை வாங்குவதற்கான பரிவர்த்தனைகள், அனிதா ஆர். ராதாகிருஷ்ணன் திட்டமிடப்பட்ட குற்றத்தின் மூலம் ஈட்டிய ஆதாயத்திலிருந்து பெறப்பட்ட ஆதாயத்திலிருந்து பெறப்பட்டது என்பதை முதற்கட்டமாக தெரியவந்துள்ளது. மேலும் விசாரணை நடைபெற்று வருகிறது என்று அமலாக்கதுறை தெரிவித்துள்ளது.