திமுக-வை வெளுத்து வாங்கிய எடப்பாடி!...நான் பறந்து போறனா?.....அதிமுக திட்டங்களை திமுக ஸ்டிக்கர் ஒட்டி திறக்கிறது!

அதிமுக ஆட்சியில் கொண்டு வரப்பட்ட திட்டங்களை வேண்டுமென்றே திமுக முடக்கி வைத்து, அதிமுக ஆட்சியின் திட்டங்களை ஸ்டிக்கர் ஒட்டி திமுக அரசு திறந்து வைப்பதாக எடப்பாடி பழனிச்சாமி கூறியுள்ளார்.

சட்டமன்ற எதிர்க்கட்சி தலைவரும், அதிமுக பொதுச்செயலாருமான எடப்பாடி பழனிச்சாமி கோவையில் செய்தியாளர்களை சந்தித்து பேசினார்.

அப்போது பேசிய அவர், எதிர்க்கட்சி தலைவராக இருந்தபோது தனிப்பட்ட முறையில் என்னை விமர்சித்தவர் தற்போதைய முதலமைச்சர் மு.க.ஸ்டாலின் என்றும், முதல்வர் பதவி கிடைப்பதற்காக இபிஎஸ் ஊர்ந்து சென்றார் என்றும், பறந்து சென்றார் என்றெல்லாம் என்னை கூறும் அவர், ஒரு முதலமைச்சர் தன்னுடைய பதவியை மறந்து, நிலையை மறந்து விமர்சனம் செய்யலாமா என்று கேள்வி எழுப்பினார்.

மேலும், கொச்சைப்படுத்தி பேசியதாக முதலமைச்சர் விமர்சனம் செய்கிறார் என்றும், தவறாக விமர்சனம் செய்தால் தக்க பதிலடி கொடுக்கப்படும் என்று தெரிவித்தார்.

தொடர்ந்து பேசிய அவர், அதிமுக ஆட்சியில் கொண்டு வரப்பட்ட திட்டங்களை வேண்டுமென்றே திமுக முடக்கி வைத்துள்ளதாக கூறிய அவர், அதிமுக ஆட்சியின் திட்டங்களை ஸ்டிக்கர் ஒட்டி திமுக அரசு திறந்து வைப்பதாக விமர்சித்தார்.