ஹரியானா சட்டசபை தேர்தல் : ஆம் ஆத்மி 2-ம் கட்ட வேட்பாளர் பட்டியல் வெளியீடு!

ஹரியானாவில் வரும் அக்டோபர் மாதம் 5-ம் தேதி சட்டசபை தேர்தல் நடைபெற உள்ளது.

இதற்கிடையே காங்கிரஸ் ஆம் ஆத்மி இடையேயான தேர்தல் கூட்டணி பேச்சுவார்த்தை நிதித்து வந்த நிலையில், சுமூக முடிவு எட்டப்படாத நிலையில், அரியானா மாநில சட்டசபை தேர்தலில் 20 தொகுதிகளுக்கான முதல்கட்ட வேட்பாளர் பட்டியலை கடந்த திங்கட்கிழமை ஆம் ஆத்மி வெளியிட்டது.

இந்தநிலையில், ஆம் ஆத்மி தனது இரண்டாவது பட்டியலை வெளியிட்டுள்ளது. அதில் ஹென்ரி, சதௌரா,அதம்பூர், தானேசர், ரதியா, டைகான், பரிதாபாத் பர்வாலா மற்றும் பவால் ஆகிய தொகுதிகளுக்கான வேட்பாளர்களை அறிவித்துள்ளது.

முன்னதாக செய்தியாளர்களிடம் பேசிய ஹரியானா மாநில ஆம் ஆத்மி கட்சி தலைவர் சுஷில் குப்தா, ஆம் ஆத்மி கட்சி 90 இடங்களில் முழு பலத்துடன் போட்டியிடும். ஊழல் நிறைந்த பாஜக அரசை வேரோடு பிடுங்கி எறிய வேண்டும் என்பதே எங்களின் ஒரே குறிக்கோள் என்று சாடினார். மேலும், ஹரியானா குற்றங்களின் தலைநகராக பாஜக மாற்றி உள்ளதாக குறிப்பிட்ட அவர், ஹரியானாவில் வேலையில்லா திண்டாட்டம் அதிகமாக உள்ளதாக குற்றம் சாட்டினார்.