திராவிடத்தை எதிர்க்கிறோம்?...திருமாவளவன் பரபரப்பு பேட்டி!

விசிக தலைவர் தொல். திருமாவளவன் வெளியிட்டுள்ள அறிக்கையில், தமிழர்கள் வீழ்ந்து போனதற்கு திராவிடம் காரணமில்லை! தமிழர்கள் வீழ்ந்து போனதற்கு சாதியம் தான் காரணம்!

திராவிடத்தால் வீழ்ந்தோம் என சொல்வது சாதியத்தால் வீழ்ந்ததை மடைமாற்றுகிற முயற்சி!
ஆர்எஸ்எஸ் எதிர்ப்பை தணிக்கிற முயற்சி! சனாதன எதிர்ப்பை திசை திருப்புகிற முயற்சி ! ஆரியத்துக்கு துணை போகிற முயற்சி! சனாதனத்தை பாதுகாக்கிற முயற்சி!
சனாதனத்துக்கு எதிரான போராட்டத்தை மடைமாற்றுகிற முயற்சி என்று குறிப்பிட்டுள்ளார்.

இதற்கிடையே, புதுக்கோட்டை மாவட்டம் கறம்பக்குடியில் விடுதலை சிறுத்தைகள் கட்சி தலைவர் திருமாவளவன் செய்தியாளர்களிடம் பேசினார். அப்போது பேசிய அவர், பெரியார், அண்ணா போன்றோருக்கு முன்னரே திராவிடம் என்ற கருத்தியலை அரசியலில் பயன்படுத்தியவர் அயோத்திதாச பண்டிதர் என்று கூறினார்.

மேலும், தி.மு.க.வை எதிர்க்கிறோம் என்ற அடிப்படையில் ஒட்டுமொத்த திராவிடத்தையும் எதிர்ப்பது குதர்க்கமான விவாதம் என்று கூறிய அவர், திராவிடம் என்பது தேசிய இனமல்ல என்றும், அது ஒரு மரபினம். தமிழர் இனம் மரபினம் அல்ல அது ஒரு தேசிய இனம். மக்களை குழப்பக்கூடாது என்று கூறினார்.