நுபுர் ஷர்மாவுக்கு ஆதரவாகப் பதிவைப் பகிர்ந்ததால், உதய்பூரில் ஒருவர் தலை துண்டிக்கப்பட்டார்; பிரதமர் மோடியின் உயிருக்கு அச்சுறுத்தல் விடுக்கும் வீடியோவை தாக்குபவர்கள் வெளியிட்டுள்ளனர்

ராஜஸ்தான் மாநிலம், உதய்பூரின் மால்தாஸ் தெரு பகுதியில் இன்று கன்னையா என்ற நபர் இருவரால் தலை துண்டித்து கொலைசெய்யப்பட்டார். அவர் சில நாட்களுக்கு முன்பு நூபுர் ஷர்மாவுக்கு ஆதரவாக ஒரு சமூக ஊடக பதிவு ஒன்றையும் பகிந்துள்ளார். 

கொலையாளிகள் இருவரும் தலை துண்டிக்கப்பட்டதை பெருமைப்படுத்தும் வீடியோவை ஒன்றை வெளியிட்டு, பிரதமர் மோடியின் உயிருக்கும் மிரட்டல் விடுத்துள்ளனர்.

இந்த சம்பவம் குறித்து உதய்பூர் எஸ்பி (காவல்துறை அதிகாரி) தெரிவிக்கையில், "ஒரு கொடூரமான கொலை நடந்துள்ளது, சம்பவம் குறித்து முழுமையான விசாரணை நடத்தப்படும். சில குற்றவாளிகள் அடையாளம் காணப்பட்டுள்ளனர். குற்றவாளிகளை கண்டுபிடிக்க போலீஸ் குழுக்கள் அமைக்கப்பட்டன. இந்தச் செயலைச் செய்ததாகக் கூறும் நபர்களின் வீடியோ மீது நடவடிக்கை எடுப்போம்" என்று தெரிவித்துள்ளார். 

இந்த சம்பவம் குறித்து AIMIM தலைவர் அசாதுதீன் ஒவைசி தெரிவிக்கையில், "ராஜஸ்தான் மாநிலம் உதய்பூரில் நடந்த கொடூர கொலையை கண்டிக்கிறேன். மாநில அரசு கடுமையான நடவடிக்கை எடுக்க வேண்டும் என்று நாங்கள் கோருகிறோம்" என்று தெரிவித்துள்ளார்.  

இந்த சம்பவம் குறித்து பாஜக தலைவர் ராஜ்யவர்தன் ரத்தோர் தெரிவிக்கையில், "காங்கிரஸ் அரசின் திருப்தி அரசியல் மாநிலத்தில் தலிபான்களை உருவாக்கியுள்ளது. மாநில அரசு திறமையற்றது, அவர்கள் சும்மா அமர்ந்திருக்கிறார்கள். மனதளவில், முதல்வர் டெல்லியில் மட்டுமே தங்குகிறார், மாநில மக்கள் பின்விளைவுகளை எதிர்கொள்கின்றனர்" என்று தெரிவித்துள்ளார். 

இந்த சம்பவம் குறித்து ராஜஸ்தான் முதல்வர் தெரிவிக்கையில், "உதய்பூரில் ஒரு நபரைக் கொன்ற வழக்கில் குற்றம் சாட்டப்பட்ட இருவரும் ராஜ்சமந்தில் இருந்து கைது செய்யப்பட்டனர். இந்த வழக்கில் வழக்கு அதிகாரி திட்டத்தின் கீழ் விசாரணை நடத்தப்படும், விரைவான விசாரணையை உறுதி செய்வதன் மூலம் குற்றவாளிகள் நீதிமன்றத்தில் கடுமையாக தண்டிக்கப்படுவார்கள்" என்று தெரிவித்துள்ளார். 

கொலையாளிகள் புகைப்படம் :