திரிபுரா தேர்தல்.. பிரச்சாரம் முடிந்தது.. தலை காட்டாத ராகுல், பிரியங்கா காந்தி.!

திரிபுரா மாநிலத்தில் நேற்று மாலை 4 மணியோடு சட்டமன்ற தேர்தலுக்கான பிரசாரம் ஓய்ந்தது. நாளை, அங்கு வாக்குபதிவு நடைபெறுகின்றது.

திரிபுரா மாநிலத்தில் மொத்தம் இருக்கின்ற 60 தொகுதிகளில் நாளை சட்டமன்றப்பேரவை தேர்தல் நடைபெற இருக்கின்றது. இதனையடுத்து, அங்கே கடந்த ஒருமாத காலமாக ஆளும் பாரதிய ஜனதா கூட்டணி, இடதுசாரி கூட்டணி கட்சிகள், காங்கிரஸ் உள்ளிட்டவை தீவிரமாக தேர்தல் பிரசாரத்தில் ஈடுபட்டு வருகின்றன.

கடந்த ஒரு மாத காலமாக நடைபெற்ற இப்பிரச்சாரத்தில் பாஜக சார்பில் இந்திய பிரதமர் மோடி, மத்திய அமைச்சர்கள் உள்ளிட்ட பலரும் கலந்து கொண்டனர். இந்த தேர்தலை முன்னிட்டு காங்கிரஸ் கட்சியின் சார்பில் பிரியங்கா காந்தி மற்றும் ராகுல்காந்தி ஆகியோர் பங்கேற்கவில்லை.

நாளை வாக்குப்பதிவு நடைபெறவுள்ள நிலையில் வருகின்ற மார்ச் 2ம் தேதி இதன் வாக்கு எண்ணிக்கை நடைபெறவுள்ளது.