திருப்பி அடிக்கும் உக்ரைன்., சுட்டு வீழ்த்தப்பட்ட ரஷ்யா விமானங்கள்.!

உக்ரைன் மீது ராணுவ நடவடிக்கையை தொடங்குவதாக புதின் அறிவித்திருந்த நிலையில், தற்போது ரஷ்ய ராணுவம் உக்ரைன் மீது உடனடி தாக்குதலை நடத்தி வருகிறது.

உக்ரைனின் தலைநகர் கியூவின் பல்வேறு பகுதிகளில் ரஷியா படைகள் குண்டு வீசி தாக்குதல் நடத்தினர். உக்ரைனின் மேலும் இரு பெரிய நகரமான கார்கியூ மற்றும் கிராமட்டஸ் மீதும் ரஷ்ய படை தாக்குதல் நடத்தி வருகிறது.

இதற்கிடையே, உங்கள் ஆயுதங்களை கீழே போட்டு விட்டு, உங்கள் வீடுகளுக்கு செல்லுங்கள் என்று உக்ரைன் படைகளுக்கு ரஷ்ய அதிபர் புதின் எச்சரிக்கை விடுத்துள்ளார். உக்ரைன் மீதான ராணுவ நடவடிக்கையில் யார் தலையிட்டாலும் பதிலடி கொடுக்கப்படும் எனவும் ரஷ்ய அதிபர் புதின் எச்சரிக்கை விடுத்துள்ளார்.

இந்நிலையில், ரஷ்யா மீது உக்ரைன் நாட்டு படையும் பதில் தாக்குதலை தொடங்கியுள்ளது. உக்ரைன் நாட்டு அரசாங்கம் சற்றுமுன்பு விடுத்துள்ள அறிவிப்பில், ரஷ்ய நாட்டின் 5 போர் விமானங்கள் மற்றும் ஹெலிகாப்டர்கள் சுட்டு வீழ்த்தி உள்ளதாக தெரிவித்துள்ளது.