வாட்ஸ்அப்-ல் எல்லோரும் எதிர்பார்த்த அந்த அப்டேட் விரைவில்!

மெட்டா நிறுவனம், முகநூல், இன்ஸ்டாகிராம், வாட்ஸ்அப் போன்ற சமூக வலைதளங்களை இயக்குகிறது.

இந்தியாவில் மட்டும் சுமார் 35 கோடி பேர் முகநூல், 50 கோடி பேர் வாட்ஸ்அப்பையும் பயன்படுத்துகின்றனர்.

வாட்ஸ்அப் அறிமுகமான காலத்திலிருந்து தற்போது வரை பல்வேறு மேம்படுத்தல்களை மெட்டா நிறுவனம் செய்துள்ளது.

அந்த வரிசையில், இன்ஸ்டாகிராமில் உள்ளதைப் போன்றே ஒரே செயலியில் பல கணக்குகளைப் பயன்படுத்தும் வசதியை வாட்ஸ்அப்பிலும் மெட்டா விரைவில் அறிமுகப்படுத்த உள்ளது.

இதன் மூலம் பயனர்கள் கணக்குகளை எளிதாக மாற்றிக்கொள்ள முடியும். தற்போது வாட்ஸ்அப்பில் "ஸ்விட்ச் அக்கவுண்ட்" என்ற வசதி இருந்தாலும், அது வெவ்வேறு வாட்ஸ்அப் செயலிகளில் உள்ள கணக்குகளை மாற்றுவதற்குப் பயன்படுகிறது.

ஆனால், புதிய அம்சம் ஒரே வாட்ஸ்அப் செயலிக்குள் பல கணக்குகளைப் பயன்படுத்த உதவும். இந்த அம்சம் விரைவில் அறிமுகமாகும் என எதிர்பார்க்கப்படுகிறது.