திருச்சானூர் பத்மாவதி தாயார் கோவில் கார்த்திகை பிரமோற்சவ விழா - கொடியேற்றத்துடன் தொடக்கம்.!
flag hoisting in thiruchanur badhmavathi thayar temple for karthikai pramorsavam
திருச்சானூர் பத்மாவதி தாயார் கோவிலில் ஒவ்வொரு வருடமும் கார்த்திகை மாதத்தில் பிரம்மோற்சவ விழா வெகு விமரிசையாக நடைபெறும். அந்த வகையில் இந்த ஆண்டுக்கான கார்த்திகை மாத பிரம்மோற்சவம் இன்று பிரமாண்டமாக தொடங்கியது.
இதனை முன்னிட்டு, கோவில் வளாகம் முழுவதையும் தூய்மை செய்யும் புனித சடங்கான ஆழ்வார் திருமஞ்சனம் நேற்று முன்தினம் நடைபெற்றது. இதையடுத்து நேற்று தாயாருக்கு லட்ச குங்குமார்ச்சனை மற்றும் அங்குரார்ப்பணம் நடைபெற்றது.
இதைத் தொடர்ந்து இன்று காலையில் தாயாருக்கு சிறப்பு பூஜை செய்யப்பட்டு, கொடிமரத்தில் பிரம்மோற்சவ கொடி ஏற்றப்பட்டது. இந்த பிரம்மோற்சவ விழா நாட்களில் தினமும் காலையிலும் இரவிலும் தாயார் வாகனங்களில் எழுந்தருளி மாட வீதிகளில் வலம் வந்து பக்தர்களுக்கு அருள்பாலிக்கிறார்.
பிரம்மோற்சவ விழாவிற்காக திருமலை திருப்பதி தேவஸ்தானம் விரிவான ஏற்பாடுகளை செய்துள்ளது. மேலும், டிசம்பர் 8-ம் தேதி வரை அனைத்து ஆர்ஜித சேவைகளும் ரத்து செய்யப்பட்டுள்ளன.
English Summary
flag hoisting in thiruchanur badhmavathi thayar temple for karthikai pramorsavam