2023 ஆம் ஆண்டு 50 ஓவர் உலகக்கோப்பை போட்டி இந்தியாவில் நடைபெற உள்ளது.  இந்த உலகக்கோப்பை அக்டோபர் மற்றும் நவம்பர் மாதங்களில்  நடைபெறும் என அறிவிக்கப்பட்டு இருந்தது.

அந்த வகையில்  அக்டோபர் 5ம் தேதி தொடங்கி நவம்பர் 19ஆம் தேதி வரை நடைபெற உள்ளதாக கூறப்படுகிறது. மொத்தம் 48 லீக் போட்டிகளும், 3 நாக்அவுட் போட்டிகள் உட்பட மொத்தம் 51 போட்டிகள் நடைபெற உள்ளது. 

இதில், 2023 உலக கோப்பை தொடருக்கு  இந்தியா, நியூசிலாந்து, இங்கிலாந்து, வங்கதேசம், பாகிஸ்தான், ஆஸ்திரேலியா, ஆப்கானிஸ்தான், தென் ஆப்ரிக்கா ஆகிய 8 அணிகள் நேரடியாக தகுதி பெற்றுள்ளது. 

மேலும், மீதமுள்ள 2 அணிகளுக்கு வரும் ஜூன் மாதம் ஜிம்பாவேவில் தகுதி சுற்று போட்டிகள் நடைபெற உள்ளது. இந்த தகுதி சுற்றி போட்டிகளில் அயர்லாந்து, வெஸ்ட் இண்டீஸ், இலங்கை, ஜிம்பாப்வே, நெதர்லாந்து, அமெரிக்கா, ஐக்கிய அரபு எபிரேட்ஸ், நேபாளம், ஓமன் மற்றும் ஸ்காட்லாந்து ஆகிய 10 அணிகள் விளையாடுகின்றன. இதில் 2 அணிகள் 2023 ஒரு நாள் உலகக் கோப்பை தொடருக்கு தேர்வு செய்யப்படும்.

இந்த நிலையில் ஐசிசி 50 ஓவர் உலகக்கோப்பை போட்டிகள் எந்தெந்த மைதானங்களில் நடத்தப்படும் என்பது குறித்த தகவல் நாளை ஐபிஎல் கிரிக்கெட் போட்டியின் இறுதிப்போட்டியின் போது முடிவு செய்யப்பட உள்ளதாக தகவல் வெளியாகி உள்ளது.