ஐதராபாத்தை வீழ்த்தி டெல்லி கேப்பிடல்ஸ் வெற்றி; ஐ.பி.எல்-இல் சாதனை படைத்த அனிகேத் வர்மா..!

ஐ.பி.எல். தொடரில் இன்று விசாகப்படினத்தில் நடைபெற்ற லீக் மோதின. இப்போட்டியில், டாஸ் வென்ற சன்ரைசர்ஸ் ஐதராபாத் அணியின் கேப்டன் கம்மின்ஸ் பேட்டிங் தேர்வு செய்தார்.

அதன்படி முதலில் பேட்டிங் செய்த ஐதராபாத் அணி 18.4 ஓவர்களில் 163 ரன்களில் ஆல் அவுட் ஆனது. அதிகபட்சமாக அனிகேத் வர்மா 74 ரன்கள் அடித்தார். டெல்லி அணியில் அபாரமாக பந்து வீசிய மிட்செல் ஸ்டார்க் 05 விக்கெட்டுகள் வீழ்த்தினார். 164 என்ற வெற்றி இலக்கோடு களமிறங்கிய டெல்லி அணி 16 ஓவர்களில் 03 விக்கெட்டுகளை மாத்திரம் இழந்து 166 ரன்கள் எடுத்து , 07 விக்கெட் வித்தியாசத்தில் அபார வெற்றி பெற்றது.

டெல்லி அணியில் அதிகபட்சமாக டு பிளெஸ்சிஸ் 50 ரன்கள் எடுத்து அசத்தினார். ஐதராபாத் அணி சார்பில், சியாஷன் அன்சாரி 03 விக்கெட் வீழ்த்தியமை குறிப்பிடத்தக்கது.

இந்த ஆட்டத்தில் ஐதராபாத் அணி சார்பில், 05-வது வரிசையில் களமிறங்கிய அனிகேத் வர்மா 74 ரன்கள் அடித்தார். இதன் மூலம் ஐ.பி.எல். வரலாற்றில் ஐதராபாத் அணிக்காக 05-வது வரிசையில் களமிறங்கி அதிக ரன்கள் அடித்த 02-வது வீரர் என்ற மாபெரும் சாதனையை படைத்துள்ளார். இந்த சாதனையில் ஹென்ரிச் கிளாசென் 80 ரன்களுடன் முதலிடத்தில் உள்ளார்.