இந்திய அணிக்கு எதிரான முதல் டி20 போட்டியில் இலங்கை அணி பௌலிங் தேர்வு செய்துள்ளது.

இந்தியாவில் சுற்றுப்பயணம் மேற்கொண்டுள்ள இலங்கை அணி 3 டி20 போட்டிகள் மற்றும் 3 ஒரு நாள் போட்டிகள் தொடரில் விளையாட உள்ளது.

இதில், இந்தியா - இலங்கை அணிகள் மோதும் முதலாவது டி20 போட்டி இன்று இரவு 7 மணிக்கு மும்பை வான்கடே மைதானத்தில் நடைபெற உள்ளது. இதில் டாஸ் வென்ற இலங்கை அணி பௌலிங் தேர்வு செய்துள்ளது.

இதில், முதலில் நடைபெறும் டி20 தொடருக்கு இந்திய அணியில் ரோகித் சர்மா, கோலி, ராகுல் ஆகிய மூத்த வீரர்களுக்கு ஓய்வளிக்கப்பட்டு, ஹார்திக் பாண்டியா தலைமையிலான இளம் வீரர்களை கொண்ட இந்திய அணி விளையாடுகிறது.

இன்றைய போட்டியில் இந்திய அணியில் சுப்மன் கில் மற்றும் ஷிவம் மாவி ஆகியோர் அறிமுக வீரர்களாக களமிறங்குகின்றனர்.

அணி விவரம்

இந்திய அணி 11 வீரர்கள் :

இஷான் கிஷன் (வி.கீ), சுப்மான் கில், சூர்யகுமார் யாதவ், சஞ்சு சாம்சன், ஹர்திக் பாண்டியா(கே), தீபக் ஹூடா, அக்சர் படேல், ஹர்ஷல் படேல், சிவம் மாவி, உம்ரான் மாலிக், யுஸ்வேந்திர சாஹல்.

இலங்கை அணி 11 வீரர்கள் :

பதும் நிஸ்ஸங்க, குசல் மெண்டிஸ் (வி.கீ), தனஞ்சய டி சில்வா, சரித் அசலங்க, பானுக ராஜபக்ச, தசுன் ஷனக(கே), வனிந்து ஹசரங்க, சாமிக்க கருணாரத்ன, மஹீஷ் தீக்ஷன, கசுன் ராஜித, டில்ஷான் மதுஷங்க.

டி20 போட்டிகளில் இதுவரை நேருக்கு நேர்

இந்தியா இலங்கை அணிகள் இதுவரை 26 டி20 போட்டிகளில் நேருக்கு நேர் மோதியுள்ளன. இதில், 18 போட்டிகளில் இந்திய அணியும், 7 போட்டிகளில் இலங்கை அணியும் வெற்றி பெற்றுள்ளது. ஒரு போட்டியில் முடிவில்லை.