ஐ.எஸ்.எல். கால்பந்து! மும்பை அணி அசத்தல் வெற்றி.!

ஐ.எஸ்.எல். கால்பந்து தொடரில் ஒடிசா அணிக்கு எதிரான ஆட்டத்தில் மும்பை அணி வெற்றி பெற்றது.

இந்தியன் சூப்பர் லீக் கால்பந்து போட்டிகளின் 8-வது தொடர் கோவாவில் நடைபெற்று வருகிறது.
நேற்று நடைபெற்ற ஆட்டத்தில் ஒடிசா அணி மும்பையை எதிர்கொண்டது.

ஆரம்பம் முதலே ஆட்டத்தில் ஆதிக்கம் செலுத்தி வந்த மும்பை அணியில், இகோர் அங்குலோ, பிபின் சிங் ஆகியோர் தலா 2 கோல்கள் அடித்தனர். ஒடிசா சார்பில் ஜோனதாஸ் டி ஒரு கோல் அடித்தார்.

ஆட்ட நேர முடிவில் மும்பை அணி 4-1 என்ற கோல் கணக்கில் ஒடிசா அணியை வீழ்த்தியது. இந்த வெற்றியின் மூலம் மும்பை அணி தனது 7-வது வெற்றியை பதிவு செய்தது.

இன்று இரவு 7.30 மணிக்கு நடைபெறும் மற்றொரு லீக் ஆட்டத்தில் கேரளா அணியும், ஈஸ்ட் பெங்கால் அணியும் பலப்பரீட்சை நடத்த உள்ளன.