#IPL2022 : ஐபிஎல் கிரிக்கெட்டில் ஹர்பஜன் சாதனையை முறியடித்த பும்ரா.!

நடப்பாண்டு ஐபிஎல் கிரிக்கெட் தொடரில் டெல்லி அணிக்கு எதிரான 69-வது லீக் போட்டியில் மும்பை இந்தியன்ஸ் அணி வீரரான ஜஸ்பிரித் பும்ரா 3 விக்கெட் வீழ்த்தியதன்மூலம் முன்னாள் மும்பை வீரர் ஹர்பஜன் சிங் சாதனையை முறியடித்துள்ளார்.

நேற்று முன்தினம் நடந்த ஐபிஎல் கிரிக்கெட் 69வது லீக் போட்டியில் மும்பை இந்தியன்ஸ் அணியும், டெல்லி கேப்பிடல்ஸ்யும் மோதின. இந்த போட்டியில் மும்பை அணி வெற்றி பெற ஜாஸ்பிரித் பும்ரா 3 விக்கெட் எடுத்து முக்கிய பங்காற்றினார்.

இதனையடுத்து மும்பை இந்தியன்ஸ் அணிக்காக அதிக விக்கெட் எடுத்தவர்கள் பட்டியலில் இரண்டாவதாக இருந்த ஹர்பஜன் சிங்கை பின்னுக்குத் தள்ளி இரண்டாவது இடத்தை பிடித்துள்ளார். முதலிடத்தில் மலிங்கா உள்ளார்.

மும்பை அணிக்காக அதிக விக்கெட் எடுத்தவர்கள்,

லசித் மலிங்கா 195 விக்கெட்
ஜஸ்பிரித் பும்ரா 148 விக்கெட்
ஹர்பஜன் சிங் 147 விக்கெட்