ஐபிஎல் போட்டிகளில் இருந்து கைரன் பொல்லார்ட் ஓய்வு பெறுவதாக அறிவித்துள்ளார்.

ஐபிஎல் கிரிக்கெட் போட்டிகளில் மும்பை இந்தியன்ஸ் அணிக்காக கைரன் பொல்லார்ட் விளையாடி வந்தார். இந்த நிலையில் இம்முறை மும்பை இந்தியன்ஸ் அணியில் தக்க வைக்கமாட்டார் என தகவல் வெளியாகிய நிலையில் ஐபிஎல் கிரிக்கெட் போட்டிகளில் இருந்து ஓய்வு பெறுவதாக அறிவித்துள்ளார்.

இதுவரை ஐபிஎல்லில் 189 போட்டிகளில் விளையாடியுள்ள பொல்லார்ட் 3,412 ரன்களையும், 69 விக்கெட்டுகளையும் கைப்பற்றியுள்ளார்.இதையடுத்து, மும்பை அணியின் அசைக்க முடியாத வீரராக விளங்கிய அவர், 5 முறை கோப்பையை வென்ற அணயில் இடம்பெற்றிருந்தது குறிப்பிடத்தக்கது.

இந்த நிலையில் கைரன் பொல்லார்ட் தனது ட்விட்டர் பக்கத்தில் ஓய்வு குறித்து பதிவிட்டுள்ளார். அந்த பதிவில் 'மும்பை அணிக்காக விளையாட முடியவில்லை என்றால், வேறு எந்த அணியிலும் தான் விளையாடுவதை நினைத்து பார்க்கமுடியவில்லை. அதனால், ஐபிஎல்யில் இருந்து ஓய்வு பெறும் முடிவை அவர் அறிவித்துள்ளார்.

மும்பை போன்ற ஒரு வெற்றிகரமான அணியில், கடந்த 13 ஆண்டுகளாக விளையாடியதற்கு தான் மிகவும் பெருமைப்படுகிறேன். உலகின் மிகவும் திறமைவாய்ந்த வீரர்களுடன் விளையாடியது மகிழ்ச்சியாக இருந்தது.

💙#OneFamily @KieronPollard55 pic.twitter.com/K5BVlTDeN0

— Mumbai Indians (@mipaltan) November 15, 2022

 மேலும், எனக்கு உறுதுணையாக இருந்த பயிற்சியாளர்களுக்கும், நிர்வாகிகளுக்கும், எனது நன்றிகளை தெரிவித்துக்கொண்டதோடு, மும்பை அணியின் உரிமையாளர்களான முகேஷ் அம்பானிக்கும், நீட்டா அம்பானிக்கும், ஆகாஷ் அம்பானிக்கும் தனது நன்றிகளை தெரிவித்துக் கொள்கிறேன்.

ஒருமுறை மும்பை அணி வீரர் என்றால் எப்போதும் மும்பை இந்தியன்ஸ் வீரர் தான் என குறிப்பிட்ட அவர், மும்பை அணியில் ஒரு வீரராக விளையாட முடியாமல் போனாலும், பேட்டிங் பயிற்சியாளராக தான் அந்த அணியில் தொடர உள்ளதாகவும் அவர் தெரிவித்திருக்கிறார்.