உத்தரகாண்டில் திறக்கப்படும் விளையாட்டுப் பல்கலைக்கழகம், விளையாட்டுத்துறை அமைச்சர் ரேகா ஆர்யா ஆலோசனை
sports university in uttarkhand
உத்தரகாண்ட் மாநிலத்தில் விரைவில் விளையாட்டு பல்கலைக்கழகம் அமைக்கப்பட உள்ளதாக தகவல்கள் வந்துள்ளன. உத்தரகாண்ட் மாநிலத்தில் விளையாட்டு பல்கலைக்கழகம் அமைக்கும் பணியை மாநில அரசு அதன் சம்பந்த பட்ட அதிகாரிகளை தீவிரப்படுத்தியுள்ளது. மக்களவை தேர்தல் நடத்தை விதிகள் முடிவடைந்தவுடன், உத்தரகாண்ட் விளையாட்டு மற்றும் இளைஞர் நலன் அமைச்சர் ரேகா ஆர்யா உத்தேச விளையாட்டு பல்கலைக்கழகம் தொடர்பாக ஆய்வுக் கூட்டத்தை நடத்தினார். ஹல்த்வானியின் கவுலாபரில் விளையாட்டு பல்கலைக்கழகம் முன்மொழியப்பட்டது. இந்த செய்தியை முதல்வர் புஷ்கர் சிங் தாமி அறிவித்தார்.
![](https://img.seithipunal.com/media/sports TS1-5ah2r.jpg)
தற்போது ஹல்த்வானி கவுலாபரில் கட்டப்படும் உத்தரகாண்ட் விளையாட்டுப் பல்கலைக்கழகம் தொடர்பாக விளையாட்டு மற்றும் இளைஞர் நலத்துறை அமைச்சர் ரேகா ஆர்யா தலைமைச் செயலகத்தில் சம்பந்தப்பட்ட அதிகாரிகள் மற்றும் உயர்மட்ட குழுவிடம் ஆலோசனை நடத்தினார். முதலமைச்சரின் அறிக்கையின்படி உத்தரகாண்ட் விளையாட்டு பல்கலைக்கழகம் அமைக்க நிலம் உள்ளிட்டவை தற்போது தேடப்பட்டு வருகின்றன.
இந்த கூட்டத்தில் அமைச்சர் ரேகா ஆர்யா பேசுகையில்,"கவுலாபரில் அமைக்கப்பட்டுள்ள சர்வதேச கிரிக்கெட் மைதானத்தை மேம்படுத்தி விளையாட்டு பல்கலைகழகம் கட்ட உத்தேசிக்கப்பட்டுள்ளது. இதற்கு கூடுதலாக 35 ஏக்கர் நிலம் தேவைப்படுகிறது. இங்கு வனத்துறை நிலம் உள்ளது ஆனால் இந்த நிலம் "இழப்பு காடு வளர்ப்பு" கீழ் வருகிறது" என்று கூறினார்.
இங்கு "இழப்பு காடு வளர்ப்பு"(Compensatory Afforestation) நிலம் இல்லை என்றால் வேறு இடத்தில் சோதனை நடத்த வேண்டும் என அமைச்சர் அதிகாரிகளுக்கு உத்தரவிட்டடு உள்ளார். இந்த விவகாரத்தில் உதம் சிங் நகர் மற்றும் நைனிடால் மாவட்ட ஆட்சியரிடம் அறிக்கை கேட்கவும் அறிவுறுத்தி உள்ளார். 38வது தேசிய விளையாட்டுப் போட்டிகளும் விரைவில் மாநிலத்தில் நடைபெற உள்ளதால், அதற்கு முன் விளையாட்டுப் பல்கலைக் கழகம் அடிக்கல் நாட்டப்பட வேண்டும் என்பதே நமது முயற்சியாக இருக்க வேண்டும் என்றார்.
English Summary
sports university in uttarkhand