ஆஸ்திரேலியாவில் நடைபெற்று வரும் உலகக் கோப்பை டி20 கிரிக்கெட் தொடரின் சூப்பர்-12 சுற்றுக்கான போட்டிகள் நேற்று ஆரம்பம் ஆகின்றன. இன்று நடைபெற்ற முதல் போட்டியில் இலங்கை அயர்லாந்து அணியை எதிர்கொண்டது. டாஸ் வென்ற அயர்லாந்து அணி பேட்டிங்கை தேர்வு செய்தது. இதனை அடுத்து களமிறங்கிய அயர்லாந்து அணியின் தொடக்க வீரர் பால் ஸ்ட்ரில்லிங் 25 பந்துகளை எதிர் கொண்டு 34 ரன்கள் எடுத்து அவுட் ஆனார். பின்னர் களம் இறங்கிய ஹேரி டெக்டர் 42 பந்துகளில் 45 ரன்கள் எடுத்தார். இவர்களை தவிர மற்ற வீரர்கள் சொற்ப ரன்களில் ஆட்டம் இழந்து வெளியேறினர். இலங்கை அணி தரப்பில் மகீஷ் தக்ஷனா 19 ரகளை விட்டுக்கொடுத்து 2 விக்கெட்டுகளை கைப்பற்றினார். முதல் இன்னிங்ஸ் முடிவில் அயர்லாந்து அணி 8 விக்கெட் இழப்பிற்கு 128 ரன்கள் மட்டுமே எடுத்தது.

இலங்கை அணி 129 ரன்கள் என்ற எளிய இலக்குடன் களமிறங்கியது. தொடக்க வீரர்களாக களம் இறங்கிய குஷால் மெண்டிஸ் மற்றும் தனஞ்ஜெய டி செல்வா நல்ல தொடக்கத்தை அமைத்துக் கொடுத்தனர். தனஞ்ஜெய டி செல்வா 25 பந்துகளில் 31 ரன்கள் எடுத்திருந்தபோது அவுட் ஆனார். பின்னர் களம் இறங்கிய சரித் அசலங்கா 22 பந்துகளில் 31 ரன்கள் அடித்தார். தொடக்க வீரராக களம் இறங்கிய குஷால் மெண்டிஸ் கடைசி வரை ஆட்டம் எடுக்காமல் 43 பந்துகளில் 68 ரன்கள் அடித்தார். இதன் மூலம் 15 ஓவர் முடிவில் ஒரு விக்கெட் மட்டுமே இழந்து இலங்கை 133 ரன்கள் எடுத்து வெற்றி பெற்றது. இதன் மூலம் இலங்கை அணி 9 விக்கெட் வித்தியாசத்தில் அயர்லாந்தை வீழ்த்தியது.