இந்தியா- வெஸ்ட் இண்டீஸ் அணிகளுக்கு இடையிலான ஐந்தாவது டி20 ஆட்டத்தில் இந்திய அணி 9 விக்கெட் வித்தியாசத்தில் அபார வெற்றியை பதிவு செய்துள்ளது.

இந்த வெற்றிக்கு காரணமான இந்திய அணியின் தொடக்க ஆட்டக்காரர்கள் சுப்மான் கில் - ஜெய்ஸ்வாலுக்கு பல்வேறு தரப்பிலிருந்தும் பாராட்டுக்கள் குவிந்து வருகிறது.

ஓவருக்கு சராசரியாக 10 ரன்களுக்கு மேல் அடித்த கில் - ஜெய்ஸ்வால், 15.3 ஓவரில் 165 ரன்களை குவித்தனர்.

சுப்மான் கில் 47 பந்தில் 3 பவுண்டரி, 5 சிக்சருடன் 77 ரங்களுக்கு ஆட்டமிழந்தார்.

ஜெய்ஸ்வால் 51 பந்தில் 11 பவுண்டரி, 3 சிக்சருடன் 84 ரன்கள் குவித்து, கடைசி வரை ஆட்டமிழக்காமல் களத்தில் இருந்தார். 

அண்மை காலத்தில் இந்திய அணியின் சிறப்பான தொடக்கம் என்று பெருமையையும் கில் - ஜெய்ஸ்வால் பார்ட்னர்ஷிப் தனதாக்கியுள்ளது. 

சச்சின் டெண்டுல்கர்- சவுரவ் கங்குலி ஜோடியை போன்று, சுப்மான் கில் - ஜெய்ஸ்வால் ஜோடி பிரகாசமாக ஜொலிக்கும் என்று, ராபின் உத்தப்பா தனது கருத்தினை பதிவு செய்துள்ளார்.

இது குறித்த அவரின் பேட்டியில், "அந்த காலகட்டத்தில் சச்சின் - கங்குலி பார்ட்னர்ஷிப் போட்டு ஆடும் அழகே தனி.

அதே போன்று கில் - ஜெய்ஸ்வால் ஜோடியும் வர வாய்ப்பு அதிகம் உள்ளது. இருவருக்குள் நல்ல ஒரு புரிதல் உள்ளது.

இந்த ஜோடி தங்களை இன்னும் மேம்படுத்திக்கொண்டாள், இந்திய அணியின் அபாயகரமான தொடக்க வீரர்களாக பல ஆண்டுகள் நீடிப்பார்கள். 

சச்சின் - கங்குலி போன்று சிறந்த பார்ட்னர்ஷிப் சாதனைகளை நிகழ்த்துவார்கள். ஒரு சில பிரச்னைகள் உள்ளது. அதை கண்டுபிடித்து சரி செய்தால், இந்திய அணிக்கு இவர்களின் பார்ட்னர்ஷிப் மிகப்பெரிய பலனாக அமையும்'' என்று ராபின் உத்தப்பா தெரிவித்துள்ளார்.