ஐ.பி.எல் 2025 எப்போது தொடக்கம்?...இதோ வெளியான தகவல்!
When will ipl 2025 start here is the information
மும்பையில் ஐ.பி.எல். நிர்வாகம் மற்றும் அணிகளின் உரிமையாளர்கள் பங்கேற்ற ஆலோசனை கூட்டத்தில், 2025 ஐ.பி.எல்.தொடர் வீரர்களுக்கான மெகா ஏலம் நவம்பர் மாத இறுதியில் பி.சி.சி.ஐ. நடத்த திட்டமிட்டுள்ளதாக தகவல் வெளியானது.
அந்த வகையில், சவுதி அரேபியாவில் உள்ள ஜெட்டா நகரில் 2025 ஐ.பி.எல். தொடர் வீரர்களின் மெகா ஏலம் வரும் 24, 25-ம் தேதிகளில் நடைபெற உள்ளது. இந்த ஏலத்திற்கு முன்னதாக இந்த தொடரில் பங்கேற்கும் 10 அணிகளும் கடந்த அக்டோபர் 31-ம் தேதி அன்று தங்களது அணியில் தக்க வைக்கும் வீரர்களின் பட்டியலை வெளியிட்டது.
இதில், சென்னை சூப்பர் கிங்ஸ், மும்பை இந்தியன்ஸ், லக்னோ சூப்பர் ஜெயண்ட்ஸ், கொல்கத்தா நைட் ரைடர்ஸ், சன்ரைசர்ஸ் ஐதராபாத், குஜராத் டைட்டன்ஸ் ஆகிய அணிகள் 5 வீரர்களை தக்க வைத்துள்ளது. இதேபோல், பெங்களூரு 3, பஞ்சாப் 2, டெல்லி 4, ராஜஸ்தான் ராயல்ஸ் 6 வீரர்களை தக்க வைத்துள்ளது.
இந்த நிலையில், 2025ம் ஆண்டிற்கான ஐ.பி.எல் தொடர் மார்ச் 14ம் தேதி முதல் மே 25ம் தேதி வரை நடைபெற உள்ளதாக தகவல் வெளியாகி உள்ளது. கடந்த சீசனை போல் 74 ஆட்டங்கள் நடைபெற உள்ளதாகவும் தகவல் வெளியாகி உள்ளது.
English Summary
When will ipl 2025 start here is the information