தமிழகத்தில் பிளஸ் 1 தேர்வு முடிவுகள் வெளியீடு.. தமிழ் பாடத்தில் சதமடித்த 18 மாணவர்கள்.!
11th std public exam results tamil subject 18 students 100 marks
தமிழகம் மற்றும் புதுச்சேரியில் 2021 - 2022-ம் கல்வியாண்டுக்கான 11-ம் வகுப்பு பொதுத்தேர்வு கடந்த மே மாதம் நடத்தப்பட்டது. இந்தத் பொதுத்தேர்வை 8 லட்சத்துக்கு மேற்பட்டோர் எழுதினர். இந்தத் பொதுத்தேர்வின் முடிவுகள் இன்று காலை 10 மணிக்கு வெளியானது.
பிளஸ் 1 பொதுத்தேர்வில் 90.07 சதவீதம் பேர் தேர்ச்சி அடைந்துள்ளனர். இதில், மாணவிகள் 94.99 சதவீதமும், மாணவர்கள் 84.6 சதவீதமும் தேர்ச்சி அடைந்துள்ளனர். மாணவர்களை விட மாணவிகள் 10.13 சதவீதம் அதிகமாக தேர்ச்சி அடைந்துள்ளனர்.
மாநில அளவில், 95.56 சதவீதம் தேர்ச்சி பெற்று பெரம்பலூர் மாவட்டம் முதலிடமும், 95.44 சதவீதம் தேர்ச்சி பெற்று விருதுநகர் மாவட்டம் 2 வது இடமும், 95.25 சதவீதம் தேர்ச்சி பெற்று மதுரை மாவட்டம் 3 வது இடமும் பெற்றுள்ளது. வேலூர் மாவட்டம் கடைசி பிடித்துள்ளது.
இந்த நிலையில் 11ம் வகுப்பு பொதுத்தேர்வில் தமிழில் மொத்தம் 18 மாணவ-மாணவிகள் 100க்கு 100 மதிப்பெண்கள் பெற்றுள்ளனர். மேலும் மொழிப்பாடத்தில் மொத்தம் 28 பேர் முழுமையான மதிப்பெண்கள் பெற்றுள்ளனர்.
English Summary
11th std public exam results tamil subject 18 students 100 marks