#BREAKING : 12ம் வகுப்பு பொதுத் தேர்வு முடிவுகள் எப்போது.?.. தேர்வுத்துறை அதிகாரப்பூர்வ அறிவிப்பு.!
12th public exam results release on May 8
தமிழகத்தில் 12 ஆம் வகுப்பு பொதுத்தேர்வு முடிவுகள் மே 8ம் வெளியாகும் என அறிவிக்கப்பட்டுள்ளது.
தமிழகத்தில் பன்னிரண்டாம் வகுப்பு பொதுத்தேர்வு சமீபத்தில் நடந்து முடிந்தது. அதனைத் தொடர்ந்து 12ம் வகுப்பு பொதுத்தேர்வு முடிவுகள் வரும் மே 5ம் தேதி வெளியாகும் என பள்ளிக்கல்வித்துறை தெரிவித்திருந்தது.
இந்த நிலையில் மே 7ம் தேதி நீட் தேர்வு நடைபெற உள்ளது. இதில் பன்னிரண்டாம் வகுப்பு தேர்வு முடிவுகள், நீட் தேர்வு எழுதும் மாணவர்களை பாதிக்கும் எனவும் 12 ஆம் வகுப்பு தேர்வு முடிவுகளை நீட் தேர்வுக்கு பிறகு வெளியிட பல்வேறு தரப்பினரும் கோரிக்கை விடுத்தனர்.
இதனையடுத்து பள்ளி கல்வித்துறை அதிகாரிகள் ஆலோசனை நடத்தி வந்த நிலையில் பனிரெண்டாம் வகுப்பு பொது தேர்வு முடிவுகள் தாமதமாக வெளியாகும் என பள்ளிக்கல்வித்துறை அமைச்சர் அன்பில் மகேஷ் பொய்யாமொழி நேற்று தெரிவித்திருந்தார்.
இந்த நிலையில் 12ம் வகுப்பு பொதுத்தேர்வு முடிவுகள் வரும் மே 8ம் தேதி காலை 9.30 மணிக்கு வெளியாகும் என தேர்வுத்துறை அறிவித்துள்ளது.
English Summary
12th public exam results release on May 8