திடீரென கட்டுப்பாட்டை இழந்து கவிழ்ந்த கார்.. 13 பேர் படுகாயம்..!

சாலையில் சென்று கொண்டிருந்த கார் கவிழ்ந்தத விபத்தில் 13 பேர் படுகாயமடைந்துள்ளனர்.

மத்திய பிரதேச மாநிலத்தில் இருந்து சேலம் நோக்கி கிளோப்சிங் மற்றும் அவரது குடும்பத்தினரும் காரில் சென்று கொண்டிருந்தனர். அப்போது ஓட்டுநரின் கட்டுபாட்டை இழந்த கார் சாலையில் சென்று கொண்டிருந்த மினி லாரி மீது மோதியது.

அதில், அந்த கார் கவிழ்ந்து அதில் பயணம் செய்த 13 பேரும் காயங்களுடன் உயிர் தப்பினர். தகவலறிந்து விரைந்து வந்த காவல்துறையினர் அவர்களை மீட்டு மருத்துவமனைக்கு அனுப்பி வைத்தனர்.

மேலும், இந்த சம்பவம் குறித்து வழக்குபதிவு செய்த காவல்துறையினர் விசாரணை மேற்கொண்டு வருகின்றனர். இந்த விபத்தால் அந்த பகுதியில் போக்குவரத்து நெரிசல் ஏற்பட்டது.