பராமரிப்பு பணிகள் காரணமாக சென்னையில் 18 மின்சார ரயில்கள் இரண்டு நாட்களுக்கு ரத்து செய்யப்படுவதாக தெற்கு ரயில்வே அறிவித்துள்ளது. இது தொடர்பாக வெளியிடப்பட்டுள்ள செய்திக்குறிப்பில் தெரிவிக்கப்பட்டுள்ளதாவது:-

“மூர்மார்க்கெட் – கும்மிடிப்பூண்டி இடையே இன்று காலை 08.05, 9, 9.30, 11.35 மணிக்கு இயக்கப்படும் ரயில்கள், இதேபோல் மறுமார்க்கமாக கும்மிடிப்பூண்டி – மூர்மார்க்கெட் இடையே செல்லும் 9.55, 10.55,12, 1, 2.30 செல்லும் மின்சார ரயில்கள், 

சூலூர்பேட்டை – மூர்மார்க்கெட் இடையே இயக்கப்படும் 11.45 மற்றும் 1.15 மணி ரயில்கள் மற்றும் சென்னை  கடற்கடரை – கும்மிடிப்பூண்டி இடையே காலை 9.40 மணி அளவில் இயக்கப்படும் மின்சார ரயில்கள் இன்று மற்றும் வரும் மார்ச் 1, 2025 ஆகிய தேதிகளில் ரத்து செய்யப்பட உள்ளது.

மேலும், செங்கல்பட்டு – கும்மிடிப்பூண்டி இடையே காலை 9.55 மணிக்கு இயக்கப்படும் மின்சார ரயில்கள், இதேபோல சென்னை கடற்கரை – கும்மிடிப்பூண்டி இடையே மற்றும் கும்மிடிப்பூண்டி – தாம்பரம் இடையே பிற்பகல் 3 மணிக்கு இயக்கப்படும் ரயில்கள், கும்மிடிப்பூண்டி – சென்னை கடற்கரை இடையே இயக்கப்படும் ரயில்கள் உள்ளிட்ட அனைத்தும் இன்று முதல் வரும் மார்ச் 1, 2025 வரை ரத்து செய்யப்படுவதாக தெரிவிக்கப்பட்டுள்ளது. இந்த கால நேரங்களில் பொதுமக்கள் வேற்று போக்குவரத்து சேவையை பயன்படுத்திக் கொள்ளுமாறும் தெரிவிக்கப்பட்டுள்ளது.