#BREAKING : எல்லை தாண்டி மீன்பிடித்ததாக தமிழக மீனவர்கள் 8 பேர் கைது.!

எல்லை தாண்டி மீன்பிடித்ததாக கூறி இலங்கை கடற்படையால் 8 தமிழக மீனவர்கள் கைது செய்யப்பட்டுள்ளனர்.

தமிழக மீனவர்கள் எல்லை தாண்டி மீன்பிடித்ததாக இலங்கை கடற்படையினர் அவ்வப்போது கைது செய்து வருவது தொடர்கதையாகி வருகிறது. இந்திய கடல் எல்லையில் மீன்பிடித்தாலும் அவர்கள் எங்களை அத்துமீறி கைது செய்து வருவதாக தமிழக மீனவர்கள் தெரிவித்து வருகின்றனர்.

இந்த நிலையில் எல்லை தாண்டி மீன் பிடித்ததாக நாகப்பட்டினம் மாவட்டத்தை சேர்ந்த மீனவர்கள் 8 பேரை இலங்கை கடற்படை கைது செய்துள்ளது.

கைது செய்யப்பட்ட 8 மீனவர்களையும் காங்கேஷன் துறை கடற்படை முகாமிற்கு இலங்கை கடற்படை அழைத்து சென்றுள்ளது. காரைநகர் கடற்பகுதியில் வைத்து 8 மீனவர்களை கைது செய்த இலங்கை கடற்படை அவர்களின் படகையும் பறிமுதல் செய்துள்ளது குறிப்பிடத்தக்கது.