சென்னை.! மின்சாரம் தாக்கி தொழிலாளி உயிரிழப்பு.!

சென்னையில் மின்சாரம் தாக்கி தொழிலாளி உயிரிழந்துள்ளார்.

சென்னை ஜி.கே.எம் காலனியை சேர்ந்தவர் தொழிலாளி கார்த்திகேயன்(40). இவருடைய மனைவி மோகனமணி. இவர்களுக்கு ஒரு பெண் குழந்தை உள்ளது.

இந்நிலையில் நேற்று கார்த்திகேயன், பெரம்பூர் மெயின் ரோட்டில் உள்ள முருகேசன் என்பவர் வீட்டில் தண்ணீர் தொட்டியை சுத்தம் செய்தார். பின்பு தொட்டியில் இருந்த அழுக்கு நீரை வெளியேற்றுவதற்கு மோட்டார் ஸ்விட்ச் போட்டபோது மின்சாரம் தாக்கி தூக்கி வீசப்பட்டுள்ளார்.

இதில் கார்த்திகேயன் சம்பவ இடத்திலே பரிதாபமாக உயிரிழந்து உள்ளார். இதையடுத்து இந்த சம்பவம் குறித்து தகவல் அறிந்து வந்த காவல்துறையினர் கார்த்திகேயன் உடலை மீட்டு பிரேத பரிசோதனைக்காக மருத்துவமனைக்கு அனுப்பி வைத்தனர்.