தமிழகத்தில் கொரோனா ஊரடங்கு கட்டுப்பாடுகள் நேற்றுடன் முடிவடைந்த நிலையில், ஊரடங்கு நீட்டிப்பு மற்றும் ஊரடங்கு கூடுதல் தளர்வுகள் அளிப்பது தொடர்பாக கடந்த சில நாட்களுக்கு முன் தமிழக முதல்வர் முக ஸ்டாலின் அவர்கள் ஆலோசனை மேற்கொண்டார்.

அதில் தற்போது கூடுதல் தளர்வுகளுடன் தமிழகம் முழுவதும் மார்ச் 2-ஆம் தேதி வரை ஊரடங்கு நீட்டிக்கப்படுவதாக தமிழக முதல்வர் மு க ஸ்டாலின் அறிவித்திருந்தார். அதன்படி தமிழகத்தில் தொடர்ந்து தொற்று பரவலை கட்டுக்குள் வைத்திடவும் குறைத்திடவும் பின்வரும் கட்டுப்பாடுகள் இன்று முதல் 02-03-2022 வரை நடைமுறைப்படுத்தப்படும்.

அதன்படி தமிழகத்தில் இன்று முதல் என்னென்ன கூடுதல் தளர்வுகள்,

தமிழகத்தில் 100% பார்வையாளர்களுடன் திரையரங்குகள் செயல்பட அனுமதி.

உணவகங்களில் 100% வாடிக்கையாளர்களுடன் இயங்க அனுமதி .

மேலும்,துணிக்கடைகள்,நகைக்கடைகள்,வணிக வளாகங்கள் 100% வாடிக்கையாளர்களுடன் செயல்பட அனுமதி.

சமுதாய, கலாச்சார மற்றும் அரசியல் கூட்டங்கள் போன்ற பொது மக்கள் கூடும் நிகழ்வுகளுக்கும் உள்ள தடை தொடரும்.

திருமணம் சார்ந்த நிகழ்வுகள் அதிகபட்சம் 200 நபர்களுடன் மட்டும் நடத்த அனுமதி.

இறப்பு சார்ந்த நிகழ்வுகள் 100 நபர்களுக்கு மிகாமல் அனுமதி.

மேற்கண்ட கட்டுப்பாடுகள் தவிர்த்து கொரோனா தடுப்பு நடவடிக்கைக்காக விதிக்கப்பட்ட ஏனைய கட்டுபாடுகள் விலக்கிக் கொள்ளப்படுகின்றன.

நர்சரி பள்ளிகள் (LKG, UKG) மற்றும் மழைலையர் விளையாட்டுப் பள்ளிகள் (Play Schools) திறக்க அனுமதியளிக்கப்படுகிறது.

மேலும், பொருட்காட்சிகள் நடத்த அனுமதியளிக்கப்பட்டுள்ளது என்பது குறிப்பிடத்தக்கது.