கோயம்புத்தூர் விமானத்தில் தொழில்நுட்பக் கோளாறு காரணமாக ஏர் அரேபியா விமான சேவை நிறுத்தம்.

கோவை சர்வதேச விமான நிலையத்தில் இருந்து ஷார்ஜா நோக்கி புறப்பட்ட ஏர் அரேபியா விமானம் சனிக்கிழமை அதிகாலை தொழில்நுட்பக் கோளாறு கண்டறியப்பட்டதையடுத்து ரத்து செய்யப்பட்டது.

ஷார்ஜாவில் இருந்து கோவை சர்வதேச விமான நிலையத்தில் சனிக்கிழமை அதிகாலை 3.45 மணியளவில் ஏர் அரேபியா விமானம் தரையிறங்கியது. ஷார்ஜாவிற்குச் செல்லும் விமானத்தில் 145 பெரியவர்கள் மற்றும் 6 குழந்தைகளுடன் அதிகாலை 4.15 மணியளவில் விமானம் புறப்படவிருந்தபோது தொழில்நுட்பக் கோளாறை விமானிகள் கண்டறிந்தனர்.

தொழில்நுட்பக் குழுவினர், முன் சக்கரத்தை ஆய்வு செய்ததில், டயரின் ஒரு பகுதி கூர்மையான பொருளால் கிழிந்திருப்பதைக் கண்டறிந்தனர். உடனடியாக, பயணிகளுக்கு அருகில் உள்ள ஓட்டல்களில் தங்குவதற்கு ஏற்பாடு செய்யப்பட்டது. கோவையில் வசிப்பவர்களை ஏர் அரேபியா நிர்வாகம் வாடகை வண்டிகளில் அவர்களது வீடுகளுக்கு அனுப்பி வைத்தது.

இதை பற்றி ,கோயம்புத்தூர் சர்வதேச விமான நிலையத்தின் விமான நிலைய இயக்குநர் எஸ் செந்தில் வளவன் கூறுகையில், "விமானத்தின் மூக்கு சக்கரத்தில் தொழில்நுட்பக் கோளாறு ஏற்பட்டது. ஏர் அரேபியா நிர்வாகம் இரவு 10 மணியளவில் தொழில்நுட்ப கோளாறுகளை சரிசெய்வதாகக் கூறியது.