நெல்லையில் பரபரப்பு - நடுரோட்டில் பாஜக பிரமுகர் வெட்டி கொலை.!

நெல்லை மாவட்டத்தில் உள்ள பாளையங்கோட்டையில் மூளிகுளம் பகுதியைச் சேர்ந்தவர் ஜெகன். இவர் திருநெல்வேலி மாவட்ட பாஜக இளைஞரணி மாவட்ட பொதுச்செயலாளராக இருந்து வந்தார்.

இந்த நிலையில், ஜெகன் நேற்றிரவு மூளிக்குளம் கடைவீதியில் தனது நண்பர்களுடன் பேசிவிட்டு, பின்னர் வீட்டிற்குக் திரும்பிச் சென்றுள்ளார். அப்போது, இரண்டு இருசக்கர வாகனத்தில் வந்த ஆறு பேர் கொண்ட கும்பல் நொடி பொழுதில் ஜெகனை சராமாரியாக வெட்டி விட்டு தப்பித்துச் சென்றுள்ளனர். 

இதைப்பார்த்து அதிர்ச்சியடைந்த அக்கம் பக்கத்தினர் ஓடிவந்து ஜெகனை மீட்டு, திருநெல்வேலி அரசு மருத்துவக்கல்லூரி மருத்துவமனைக்கு அழைத்துச் சென்றனர். அங்கு அவரை பரிசோதனை செய்த மருத்துவர்கள் மருத்துவமனைக்கு வரும் வழியிலேயே ஜெகன் இறந்து விட்டதாகத் தெரிவித்தனர்.

இந்தச் சம்பவம் குறித்து தகவலறிந்த போலீசார் மருத்துவமனைக்கு விரைந்து வந்து ஜெகனின் உடலைக் கைப்பற்றி பிரேத பரிசோதனைக்காக அனுப்பி வைத்தனர். பின்னர் இந்தச் சம்பவம் குறித்து, வழக்கு பதிவு செய்து விசாரணை நடத்தி வருகின்றனர்.

பாஜக கட்சியின் பிரமுகர், நடுரோட்டில் வெட்டிக்கொலைச் செய்யப்பட்டதனால், அப்பகுதியில் பெரும் பதற்றம் நிலவியுள்ளது. இதன் காரணமாக அப்பகுதியில் போலீஸார் குவிக்கப்பட்டுள்ளனர்.