சிவாஜி வீடு ஜப்தி! அண்ணன் கடனை நான் அடைக்க மாட்டேன்! கைவிரித்த நடிகர் பிரபு!

மறைந்த நடிகர் சிவாஜி கணேசனின் ‘அன்னை இல்லம்’ வீட்டை ஜப்தி செய்ய பிறப்பிக்கப்பட்ட உத்தரவுக்கு எதிராக, அவரது மகன் நடிகர் பிரபு தாக்கல் செய்த வழக்கு, உயர் நீதிமன்றத்தில் இன்று விசாரணைக்கு வந்தது.

விசாரணையின் போது, பிரபு தரப்பில் வாதிடும் வழக்கறிஞர், "என் சகோதரர் ராம்குமார் பெற்ற கடனுக்காக, எனக்குச் சொந்தமான ₹150 கோடி மதிப்பிலான சொத்துகளை முடக்க நீதிமன்றம் உத்தரவிட்டுள்ளது. ஆனால், நான் என் வாழ்நாளில் ஒரு ரூபாய் கூட கடன் வாங்கியதில்லை" என்று தெரிவித்தார்.

இதற்கு பதிலளித்த நீதிபதிகள், "ராம்குமார் உங்கள் சகோதரர்தானே? நீங்கள் முதலில் அந்தக் கடனை செலுத்திவிட்டு, பிறகு அவரிடமிருந்து பெற்றுக்கொள்ளலாமே?" என கேட்டனர்.

இதற்கு பிரபு தரப்பினர், "ராம்குமார் பலரிடமும் கடன் பெற்றுள்ளார். அந்த கடனை செலுத்த முடியாது" என்று தெரிவித்தனர்.

இரு தரப்பினரும் வாதிட்டதை தொடர்ந்து, இந்த வழக்கின் விசாரணையை வரும் ஏப்ரல் 8ம் தேதிக்கு ஒத்திவைப்பதாக உயர் நீதிமன்றம் உத்தரவிட்டது.