சென்னை பெருநகரத்தில் உள்ள கிங் நோய் தடுப்பு மற்றும் ஆராய்ச்சி நிலைய வளாகத்தில் பன்னோக்கு உயர் சிறப்பு மருத்துவமனையின் கட்டுமானப் பணிகள் நிறைவடைந்த நிலையில்,  தமிழ்நாடு முதலமைச்சர் மு.க.ஸ்டாலின் அவர்கள் இன்று இரவு (27.4.2023) சென்னையிலிருந்து புதுதில்லி புறப்பட்டுச் சென்று, நாளை (28,4.2023) மாண்புமிகு இந்திய குடியரசுத் தலைவர் திருமதி திரௌபதி முர்மு அவர்களை சந்தித்து நேரில் அழைக்க உள்ளதாக அறிவிக்கப்பட்டு இருந்தது.

அதன்படி, இன்று இரவு 8.30 மணிக்கு சென்னை விமான நிலையத்திலிருந்து டெல்லி செல்ல முதல்வர் ஸ்டாலின் தயாராக இருந்தார். அவரை டெல்லியில் வரவேற்க ஏற்பாடுகளும் செய்யப்பட்டு இருந்த நிலையில், இந்த பயணம் ரத்து செய்யப்பட்டுள்ளது.

முதல்கட்ட தகவல் படி விமானத்தில் கோளாறு ஏற்பட்டதாகவும், சுமார் 1 மாநிறம் காத்திருந்த முதல்வர் பின்னர், வீடு திரும்பியதாகவும் தெரியவந்துள்ளது.

மீண்டும் நாளை காலை முதல்வர் ஸ்டாலின் டெல்லி செல்ல உள்ளதாகவும், 1000 படுக்கைகளுடன் கூடிய பன்னோக்கு உயர்சிறப்பு மருத்துவமனையை திறந்து வைத்திட குடியரசு தலைவருக்கு அழைப்பு கொடுத்தபின். டெல்லி பயணத்தை முடித்துக்கொண்டு நாளை மறுநாள் இரவு 8.30 மணிக்கு முதலமைச்சர் ஸ்டாலின் சென்னை திரும்ப உள்ளதாகவும் தகவல் வெளியாகியுள்ளது.