சென்னை கடற்கரையில் இறந்த நிலையில் டால்பின் உடல்.!

சென்னையில் உள்ள பட்டினப்பாக்கம் கடற்கரையில் இன்று மதியம் இறந்த நிலையில் சுமார16 அடி நீளம் கொண்ட அரிய வகை பெண் டால்பின் ஒன்று கரை ஒதுங்கியது. இதைப்பார்த்து கடற்கரை பகுதியில் இருந்த பொதுமக்கள் அதிர்ச்சியடைந்தனர்.

பின்னர் இந்த சம்பவம் குறித்து, பட்டினப்பாக்கம் காவல் துறையினர் மற்றும் கிண்டி சரக வனத் துறையினர் ஆகியோருக்கு தகவல் தெரித்தனர். அதன் பேரில் போலீசார் மற்றும் வனத்துறையினர் சம்பவ இடத்திற்கு விரைந்து வந்தனர்.

தொடர்ந்து இறந்த டால்பினின் உடலை கைப்பற்றி ஆய்வு செய்தனர். பிறகு அதனை உடற்கூறாய்வு செய்து, கடல் மணற்பரப்பில் குழி தோண்டி புதைத்தனர்.