கோவை மாவட்டம் சிறுவாணி பிரதான சாலையில் உள்ள ஒரு அரசு மேல்நிலைப் பள்ளியின் 10 ஆசிரியர்களை கோயம்புத்தூரில் உள்ள பல்வேறு தொகுதிகளில் உள்ள பல்வேறு அரசு பள்ளிகளுக்கு மாவட்ட பள்ளி கல்வித் துறை சமீபத்தில் இடமாற்றம் செய்தது.

பள்ளி மாணவர்களுக்கு இடையே மோதல்கள், உடற்கல்வி ஆசிரியரால் பெண் குழந்தைக்கு பாலியல் துன்புறுத்தல், 8 ஆம் வகுப்பு மாணவன் ஒருவன் தனது ஆசிரியரை அடித்தல் போன்ற சம்பவங்கள் நடந்துள்ளன.

மேலும், ஆசிரியர்களிடையே நிலவும் கோஷ்டி மோதல் இந்த சூழ்நிலையை மேலும் சீர்குலைத்து உள்ளது, இந்த சம்பவத்தால் மாணவர்களின் கல்வி பாதிக்கப்படுவதாக மற்ற ஆசிரியர் தெரிவித்தனர்.

பெண் குழந்தைக்கு பாலியல் தொல்லை கொடுத்ததற்காக போக்சோ சட்டத்தின் கீழ் உடற்கல்வி ஆசிரியர் கைது செய்யப்பட்ட பின்னர், அவர் கடந்த ஆண்டு பணி நீக்கம் செய்யப்பட்டார். இதன் பிறகு, ஒரு தலைமையாசிரியர் வேறு ஒரு பள்ளிக்கு இடமாற்றம் செய்யப்பட்டார். ஆண்கள் உட்பட சுமார் 6 ஆசிரியர்கள், சிறுமியை மிரட்டி பாலியல் துன்புறுத்தல் புகாரை மூடிமறைத்தனர். இதனை போலீஸ் விசாரணைக்குப் பிறகு, சில ஆசிரியர்கள் மீது போலீஸார் வழக்குப் பதிவு செய்தனர்.

இந்த பாலியல் துன்புறுத்தல் விவகாரத்தை அம்பலப்படுத்திய அரசு பள்ளி ஓவிய ஆசிரியரின் செயல்பாடுகள் கல்வி நிறுவன நேர்மைக்கு பெரும் இடையூறு விளைவிப்பதாகக் கூறி, அந்த ஓவிய ஆசிரியர்யை பணியிடை நீக்கம் செய்து உள்ளனர். முதன்மைக் கல்வி அதிகாரி பாலமுரளி அவர்கள் மீது துறை ரீதியான எந்த நடவடிக்கையும் எடுக்கவில்லை என விசாரணையில் தெரியவந்துள்ளது.

இதனால் இந்த ஆண்டு அரசு பள்ளிகளில் மாணவர் சேர்க்கை குறைந்துள்ளது மேலும் அரசு பள்ளி மற்றும் மாணவர் நலன் கருதி அனைத்து ஆசிரியர்களையும் இடமாற்றம் செய்ய வேண்டும் என்று பெற்றோர்கள் கோரிக்கை விடுத்துள்ளனர். இதற்காக பொள்ளாச்சி, கோவை மாநகரம் போன்ற பகுதிகளில் உள்ள பல்வேறு பள்ளிகளுக்கு, பல ஆசிரியர்கள் சமீபத்தில் இடமாற்றம் செய்யப்பட்டதாக தெரிய வந்துள்ளது.

" இடமாற்றம் ஒரு தண்டனை அல்ல. பள்ளிக் கல்வித்துறை எந்த தண்டனையும் எடுக்காமல் போக்சோ புகாரைக் கையாளுகிறது, இது அதிகாரிகளின் அலட்சியத்தை காட்டுகிறது" என ஒரு சமூக ஆர்வலர் கூறி உள்ளார்.