மீன் பிடிக்க சென்ற மீனவர்.! படகில் மயங்கி விழுந்து பலி

மீன் பிடிப்பதற்கு சென்ற மீனவர் படகில் மயங்கி விழுந்து உயிரிழந்த சம்பவம் அப்பகுதியில் சோகத்தை ஏற்படுத்திள்ளது.

திருவள்ளூர் மாவட்டம் பழவேற்காடு வைரவன் குப்பம் கிராமத்தைச் சேர்ந்தவர் மீனவர் கஜேந்திரன். இவர் இன்று அதிகாலை கடலுக்கு மீன் பிடிப்பதற்காக படகில் சக மீனவர்களுடன் சென்றுள்ளார்.

அப்பொழுது கடலுக்குள் செல்லும்போது திடீரென கஜேந்திரன் படகிலேயே மயங்கி விழுந்து உள்ளார். இதைப்பார்த்த சக மீனவர்கள் அதிர்ச்சி அடைந்த நிலையில், அவரை மீட்டு பழவேற்காடு அரசு மருத்துவமனைக்கு சிகிச்சைக்காக கொண்டு வந்தனர்.

பின்பு அங்கிருந்து மேல் சிகிச்சைக்காக திருவொற்றியூரில் உள்ள தனியார் மருத்துவமனைக்கு அழைத்துச் செல்லப்பட்டுள்ளார். ஆனால் அங்கு பரிசோதனை செய்த மருத்துவர் கஜேந்திரன் ஏற்கனவே இறந்து விட்டதாக தெரிவித்துள்ளார்.