குரூப் 1, 4 போட்டித்தேர்வுகளுக்கான இலவச பயிற்சி வகுப்புகள்.. மாவட்ட ஆட்சியர் மு.பிரதாப் அறிவிப்பு!
Free coaching classes for Group 1 and 4 competitive exams. District Collector M. Prathap
டிஎன்பிஎஸ்சி குரூப் 1, 4 போட்டித்தேர்வுகளுக்கான இலவச பயிற்சி வகுப்புகள் 09.04.2025 அன்று முதல் தொடங்க இருப்பதாக மாவட்ட ஆட்சியர் மு.பிரதாப் தகவல் தெரிவித்துள்ளார்.
இது குறித்து மாவட்ட ஆட்சியர் மு.பிரதாப் வெளியிட்டுள்ள செய்தி குறிப்பில் கூறியிருப்பதாவது:வேலைவாய்ப்பு மற்றும் பயிற்சித்துறையால் அனைத்து மாவட்ட வேலைவாய்ப்பு மற்றும் தொழில்நெறி வழிகாட்டும் மையங்களில் செயல்படும் தன்னார்வ பயிலும் வட்டங்கள் வாயிலாக தமிழ்நாடு அரசுப்பணியாளர் தேர்வாணையத்தால் நடத்தப்படும் டிஎன்பிஎஸ்சி குரூப் 1 மற்றும் குரூப் 4 போட்டித் தேர்வுகளுக்கான இலவச பயிற்சி வகுப்புகள் நடத்திட அறிவுரை பெறப்பட்டுள்ளது.
தமிழ்நாடு அரசுப்பணியாளர் தேர்வாணையத்தால் 01.04.2025 அன்று டிஎன்பிஎஸ்சி குரூப் 1 தொகுதியில் அறிவிக்கப்பட்டுள்ள 70-காலிப்பணியிடங்களுக்கும், இம்மாதத்தில் அறிவிக்கப்படவுள்ள டிஎன்பிஎஸ்சி குரூப் 4 தேர்வுகளுக்கான இலவச பயிற்சி வகுப்பு 09.04.2025 அன்று முதல் காலை 10.30 மணிக்கு திருவள்ளூர் மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தில் செயல்படும் தன்னார்வ பயிலும் வட்டத்தில் துவக்கப்பட உள்ளது. இப்பயிற்சி வகுப்பில் சிறந்த பயிற்றுநர்களைக் கொண்டு நடத்தப்படுவதுடன் இலவச மாதிரி தேர்வுகள் நடத்தப்பட உள்ளது.
கடந்த ஆண்டு இவ்வலுவலகம் வாயிலாக நடைபெற்ற கட்டணமில்லா பயிற்சி வகுப்பில் கலந்து கொண்டு பயிற்சி பெற்றவர்கள் தற்போது பல்வேறு அரசு துறைகளில் பணி நியமனம் பெற்றுள்ளனர். மேற்காணும் இப்பயிற்சியில் கலந்து கொள்ள விருப்பமுள்ளவர்கள் 6381552624, 9626456509 என்ற கைபேசி எண்களை தொடர்பு கொண்டு விவரம் அறிந்து கொள்ளலாம்.
மேற்காணும் கட்டணமில்லா பயிற்சி வகுப்பில் கலந்து கொள்ள விருப்பமுள்ள விண்ணப்பதாரர்கள் இரு பாஸ்போர்ட் அளவு புகைப்படம், ஆதார் அடையாள அட்டை நகலுடன் திருவள்ளூர் மாவட்ட வேலைவாய்ப்பு மற்றும் தொழில்நெறி வழிகாட்டும் மையத்திற்கு அலுவலக நாட்களில் நேரில் வருகை புரிந்து பயிற்சி வகுப்பில் கலந்து கொண்டு பயனடையுமாறு என மாவட்ட ஆட்சியர் மு.பிரதாப் தெரிவித்தார்
English Summary
Free coaching classes for Group 1 and 4 competitive exams. District Collector M. Prathap