அரசு பள்ளி ஆசிரியர் பணியிட மாற்றத்திற்கு எதிர்ப்பு.. சாலை மறியலில் ஈடுபட்ட மாணவர்கள்.!
Government school teacher protest against change of workplace
கள்ளக்குறிச்சியில் அரசு பள்ளியில் ஆசிரியர் ஒருவரை பணியிட மாற்றம் செய்யக் கூடாது என மாணவர்கள் சாலை மறியல் போராட்டம் நடத்தியது வைரலாகியுள்ளது.
அரசு பள்ளிகளில் ஆசிரியர்கள் குழந்தைகளின் நலனில் முக்கிய பங்கு வகித்து வருகின்றனர். சில சமயங்களில் ஆசிரியர்கள் குறித்த ஒழுக்கக்கேடான நடவடிக்கைகள் சமூகத்தை அதிர்ச்சி அடைய செய்தாலும், நேர்மையான ஆசிரியர்கள் பற்றிய செய்திகள் ஆசிரியர்கள் மீதான மதிப்பை அதிகரிக்கும் வகையில் அமைந்து வருகின்றது.
அந்த வகையில் கள்ளக்குறிச்சி மாவட்டம் சூளாங்குறிச்சி அரசு நடுநிலைப்பள்ளியில் ஆசிரியர் ஒருவர் அறிவியல் ஆசிரியராக பணிபுரிந்து வந்துள்ளார். மாணவர்களின் நன்மதிப்பைப் பெற்ற அவருக்கு சமீபத்தில் பணியிட மாற்றம் உத்தரவு வந்துள்ளது.
இந்த நிலையில் அவரை பணியிடமாற்றம் செய்யக்கூடாது என மாணவர்கள் சாலை மறியல் போராட்டத்தில் ஈடுபட்டுள்ளனர். மேலும் அவ்வழியாக வந்த அரசு பேருந்தை மறித்து போராட்டம் செய்துள்ளனர் ஆசிரியருக்காக மாணவர்கள் நடத்திய இந்த போராட்டம் தற்போது வைரலாகியுள்ளது.
English Summary
Government school teacher protest against change of workplace