மதுரை மழை பாதிப்பு குறித்து அரசு தெளிவுப்படுத்த வேண்டும் - பிரேமலதா விஜயகாந்த்!
Government should clarify about Madurai rain impact Premalatha Vijayakanth
மதுரை: கடந்த சில நாட்களாக மதுரையில் இடையிடையே மழை பெய்து வருகிறது, இதனால் நகரின் பல பகுதிகளில் மழைநீர் தேங்கி, மக்களின் இயல்பு வாழ்க்கை பாதிக்கப்பட்டுள்ளது.
குறிப்பாக செல்லூர், புதார், கூடல்புதார், ஆனையூர் போன்ற தாழ்வான பகுதிகளில் வீடுகளுக்குள் மழைநீர் புகுந்தது. இந்த திடீர் மழையால் ஏற்பட்ட நீர் தேக்கம் மக்கள் அவதியுறும் நிலையை ஏற்படுத்தியுள்ளது.
வானிலை ஆய்வு மையத்தின் தகவல்படி, நேற்று மதியம் 2 மணி முதல் மாலை 5.11 மணி வரை மதுரையின் பல பகுதிகளில் மழை பெய்தது. குறிப்பாக புறநகர் பகுதிகளில் 15 நிமிடத்தில் 4.5 சென்டிமீட்டர் மழை பதிவாகி, காலை முதல் மாலை வரை மொத்தம் 9.8 சென்டிமீட்டர் மழைப்பொழிவு பதிவாகியுள்ளது.
இந்த நிலைமைக்குப் பதிலளித்து தேமுதிக பொதுச்செயலாளர் பிரேமலதா விஜயகாந்த் வெளியிட்ட அறிக்கையில், "மதுரையில் ஓரிரு நாள் பெய்த மழைக்கே இவ்வளவு பாதிப்பு ஏற்பட்டதற்கு மாநகராட்சி விளக்கம் தர வேண்டும்" என கேட்டுக்கொண்டார்.
மேலும், "மாநகராட்சி தங்களது பொறுப்பை உணர்ந்து, தங்கியுள்ள மழைநீரை உடனடியாக அப்புறப்படுத்தி நோய் பரவாமல் நடவடிக்கை எடுக்க வேண்டும். மழை பாதிப்பு குறித்த தமிழக அரசு விளக்கம் அளிக்க வேண்டும்" என்று அவர் வலியுறுத்தியுள்ளார்.
English Summary
Government should clarify about Madurai rain impact Premalatha Vijayakanth