திருவள்ளூர் மாவட்டம், ஆவடி அருகிலுள்ள பட்டாபிராமில் ரூ.279 கோடி செலவில் உருவாக்கப்பட்ட 21 மாடிகளைக் கொண்ட புதிய டைடல் பார்க் கட்டடத்தை தமிழக முதல்வர் மு.க. ஸ்டாலின் நாளை (நவம்பர் 22) திறந்து வைக்கிறார்.  

இந்த டைடல் பார்க் தகவல் தொழில்நுட்ப (IT) நிறுவனங்களுக்கான உலகத் தரத்திலான உள்கட்டமைப்புடன் உருவாக்கப்பட்டுள்ளது. இதன் மூலம் 5,000 முதல் 6,000 பேருக்கு வேலை வாய்ப்பு கிடைக்கும் என எதிர்பார்க்கப்படுகிறது.  

கட்டிடம் 5.57 லட்சம் சதுர அடி பரப்பளவுடன் உருவாக்கப்பட்டுள்ளது. ஒரே நேரத்தில் 927 கார்கள் மற்றும் 2,280 இருசக்கர வாகனங்கள் நிறுத்தும் வசதி. 24 மணி நேர கண்காணிப்பு, உணவகம், உடற்பயிற்சி கூடம், தியான அறை, மற்றும் உள்விளையாட்டு அரங்கம்.  

சூரிய சக்தி மின்சாரம் உற்பத்தி மையம் மற்றும் மாடி தோட்டம். 13 மற்றும் 16-வது மாடிகளுக்கிடையே** தொங்கும் தோட்டம் அமைக்கப்பட்டு, அந்த இடத்துக்குப் பிரீமியம் கட்டணம் வசூலிக்கப்படும்.பசுமை கட்டிடக் கொள்கையின்படி இந்திய பசுமைக் கட்டிட கவுன்சிலின் பிளாட்டினம் தரம் பெற்றுள்ளது.  

பட்டாபிராம் பகுதியைச் சேர்ந்த சமூக ஆர்வலர் சடகோபன் இதுகுறித்து கருத்து தெரிவிக்கையில், டைடல் பார்க் அமைக்க வேண்டும் என்ற எங்களது 14 ஆண்டுகால கனவு இப்போது நனவாகியுள்ளது. எஞ்சிய 29 ஏக்கர் இடத்திலும் மேலும் டைடல் பார்க் கட்டும் முயற்சி செய்ய வேண்டும், என தெரிவித்தார்.  

இந்த புதிய டைடல் பார்க் மூலம் பட்டாபிராமைச் சுற்றியுள்ள பகுதிகளில் தொழில்துறை வளர்ச்சி மட்டுமல்லாது, தலமாறி வேலை தேடும் தகவல் தொழில்நுட்ப ஊழியர்களுக்கு சொந்த மாவட்டத்தில் வேலை வாய்ப்புகள் கிடைக்கவும் உதவும்.  

இச்சிறப்பம்சங்களின் மூலம், டைடல் பார்க் தமிழ்நாட்டின் தகவல் தொழில்நுட்பத் துறையின் வளர்ச்சியில் முக்கிய மையமாக மாறும் என எதிர்பார்க்கப்படுகிறது.