கோவை: அத்துமீறிய பேராசிரியர்.. கழிவறையில் சிக்கிய இளம்பெண்! ஓடோடி வந்து கைப்பற்றிய போலீசார்!
Kovai Yong woman escape in harassment
கோவை, வடவள்ளி அருகே கல்வீரம்பாளையம் முருகன் நகர் நேரு வீதியைச் சேர்ந்த 45 வயதான சிவப்பிரகாசம், கோவையில் உள்ள பல கல்லூரிகளில் கவுரவ பேராசிரியராக உள்ளார்.
இவரிடம் வேலைவாய்ப்பு அல்லது உயர் கல்விக்காக ஆலோசனை பெற பல மாணவர்கள் அணுகுவது வழக்கம். அந்த வகையில் இவரிடம் திருப்பூர் மாவட்டத்தைச் சேர்ந்த 25 வயதான எம்.எஸ்.சி பட்டதாரி பெண் வெளிநாட்டில் வேலை பார்க்க ஆலோசனை கேட்டுள்ளார்.
அப்போது சிவப்பிரகாசம் வீட்டுக்கு வந்து சந்திக்குமாறு கூறியதால், அந்த பெண் மதிய நேரத்தில் அவரது வீட்டிற்கு சென்றுள்ளார்.
அங்கு சான்றிதழ்களை வாங்கி வைத்திருப்பதாகக் கூறி, திடீரென அந்தப் பெண்ணின் தோளில் கையை வைத்தபோது, இளம்பெண் அதிர்ச்சியடைந்தார்.
அவர் தப்பிக்க வழி தேடி, தனக்கு அவசரமாக கழிவறைக்கு செல்ல வேண்டும் என்று சொல்லி அங்குள்ள கழிவறைக்குள் சென்று கதவை பூட்டிக்கொண்டார்.
உடனே தனது தோழியை செல்போன் மூலம் அழைத்து உதவியை கோர, அவர் போலீசுக்கு தகவல் தெரிவிக்கவே, உடனடியாக போலீசார் விரைந்து சென்று அவரை மீட்டனர்.
மேலும், பேராசிரியர் சிவப்பிரகாசத்தைக் கைது செய்த போலீசார் அவரிடம் விசாரணை மேற்கொண்டு வருகின்றனர்.
English Summary
Kovai Yong woman escape in harassment