சட்ட விரோதமாக மது விற்பனை செய்த வாலிபர் கைது
Liquor seller arrest in salem
சேலம் மாவட்டத்தில் சட்ட விரோதமாக மது விற்பனை செய்த வாலிபரை போலீசார் கைது செய்துள்ளனர்.
சேலம் மாவட்டம் தூக்கியாம்பாளையம் ராஜீவ் நகரை சேர்ந்தவர் சுரேந்தர் (35). இவர் டாஸ்மாக் கடையில் மதுபானங்களை வாங்கி சட்ட விரோதமாக கூடுதல் விலைக்கு விற்பனை செய்யப்படுவதாக வாழப்பாடி காவல் துறையினருக்கு தகவல் கிடைத்துள்ளது.
இந்த தகவலையடுத்து போலீசார் அப்பகுதியில் நேற்று தீவிர சோதனை மேற்கொண்டனர். அப்பொழுது குடியிருப்பு பகுதியில் வைத்து மது விற்பனை செய்தது தெரியவந்துள்ளது.
இதையடுத்து சுரேந்தரை கையும் களவுமாக பிடித்த போலீசார், அவர் மீது வழக்கு பதிவு செய்து கைது செய்தனர். மேலும் அவரிடம் இருந்த 7 மது பாட்டில்களையும் பறிமுதல் செய்துள்ளனர்.
English Summary
Liquor seller arrest in salem