மகளை பார்க்க சென்னை சென்ற தந்தை - பிணமாக மீட்பு.!!
man died bus in chennai ernavoor
மகளை பார்க்க சென்னை சென்ற தந்தை - பிணமாக மீட்பு.!!
தென்காசி மாவட்டத்தில் உள்ள சங்கரன்கோவில் அருகே சொக்கலிங்கபுரம் பகுதியைச் சேர்ந்தவர் வெள்ளத்துரை. இவர் ஒரு பழைய இரும்பு வியாபாரி. இவருடைய மகள் விஜயராணி. இவர் சென்னை எர்ணாவூரில் வசித்து வருகிறார்.
இந்த நிலையில், வெள்ளத்துரை தன் மகள் விஜயராணியைப் பார்ப்பதற்காக நேற்று முன்தினம் தென்காசியில் இருந்து தனியார் பேருந்து ஒன்றில் சென்னை நோக்கி வந்து கொண்டிருந்தார். இதையடுத்து பேருந்து நேற்று காலை எர்ணாவூர் அருகே நின்றபோது வெள்ளத்துரை பேருந்தில் இருந்து இறங்கி வரவில்லை.
இதனால் சந்தேகமடைந்த அவருடைய மருமகன் மோகன், பேருந்தில் ஏறிச்சென்று பார்த்துள்ளார். அப்போது வெள்ளத்துரை பேருந்தில் பிணமாக கிடந்துள்ளார்.
இதைப்பார்த்து அதிர்ச்சி அடைந்த மோகன் உடனே மாமனாரைக் கீழே இறக்கி சாத்தாங்காடு போலீசாருக்கு தகவல் கொடுத்தனர்.
அந்தத் தகவலின் படி போலீசார் சம்பவ இடத்திற்கு விரைந்து வந்து பிணத்தை கைப்பற்றி பிரேத பரிசோதனைக்காக ஸ்டான்லி மருத்துவமனைக்கு அனுப்பி வைத்தனர். அதன் பின்னர் போலீசார் வெள்ளத்துரை உடல்நிலை குறைபாட்டால் உயிரிழந்தாரா? இல்லை வேறு ஏதாவது காரணமா? என்று வழக்குப்பதிவு செய்து விசாரித்து வருகின்றனர்.
English Summary
man died bus in chennai ernavoor