திருமண தகவல் இணையதள மோசடி - மத்திய, மாநில அரசுகளுக்கு உயர்நீதிமன்றம் அதிரடி உத்தரவு!

திருமண தகவல் இணையதளங்களை ஒழுங்குபடுத்த விதிகள் வகுக்க வேண்டும் என்று, மத்திய, மாநில அரசுகளுக்கு சென்னை உயர்நீதிமன்றம் உத்தரவு பிறப்பித்துள்ளது.

திருமண தகவல் இணையதள மோசடிகளில் பெரும்பாலும் பெண்களை ஏமாற்றப்படுவதாகவும் சென்னை உயர்நீதிமன்ற நீதிபதி டீக்காராமன் வேதனை தெரிவித்துள்ளார்.

திருமணம் செய்வதாக கூறி மோசடி செய்த வழக்கில் முன்ஜாமின் கோரிய பிரசன்னா என்பர்வது மனுவை விசாரணை செய்த நீதிபதி அவர்கள் இந்த உத்தரவை பிறப்பித்துள்ளார்.

திருமண தகவல் இணையதளங்களை கட்டுப்படுத்த எந்த ஒரு சட்டமோ, விதிகளோ இதுவரை உருவாக்கப்படவில்லை என்பதை சுட்டிக்காட்டிய நீதிபதி அவர்கள், ஆதார் உள்ளிட்ட ஆவணங்களுடன் பதிவு செய்ய வேண்டும் என்ற ஒரு விதியை வகுக்க வேண்டும் என்றும், மத்திய, மாநில அரசுகளுக்கு உத்தரவு பிறப்பித்துள்ளார்.