தமிழ்நாட்டில் 1,090 பேர் போட்டி.. யாருக்கு எந்த சின்னம்? முழு விவரம் இதோ.!!

எதிர்வரும் மக்களவைப் பொதுத் தேர்தலில் தமிழ்நாட்டில் போட்டியிடும் வேட்பாளர்கள் தங்கள் வேட்பு மனுக்களை திரும்ப பெறுவதற்கான கால அவகாசம் இன்று பிற்பகல் 3 மணியுடன் நிறைவடைந்துள்ளது.

வாபஸ் பெறுவதற்கான கால அவகாசம் முடிவடைந்துள்ளதால் 3 மணி நிலவரப்படி இந்திய தேர்தல் ஆணையத்தின் அதிகாரப்பூர்வ இணையதளத்தில் உள்ள தகவலின் படி தமிழ்நாட்டில் 1090 வேட்பாளர்கள் களத்தில் உள்ளனர்.

வேட்பு மனுக்களை திரும்ப பெற்றவர்களின் விவரங்கள் இணையதளத்தில் பதிவேற்றம் செய்யப்பட்டு வருகிறது. இது நிலவடைந்ததும் மாலை 4 மணி முதல் சுயேச்சை வேட்பாளருக்கு சின்னம் ஒதுக்கும் பணி தொடங்க உள்ளது.

மொத்தம் 50 வேட்பு மனுக்கள் நிராகரிக்கப்பட்டுள்ள நிலையில் களத்தில் 973 ஆண் வேட்பாளர்களும் 117 பெண் வேட்பாளர்களும் உள்ளனர் என்பது குறிப்பிடத்தக்கது.