திருச்சி சர்வதேச விமான நிலையத்தில் உள்ள ஒருங்கிணைந்த முனைய கட்டிடம் கடந்த ஜூன் 11 ஆம் தேதி மக்களின் பயன்பாட்டுக்கு கொண்டு வரப்பட்டது, அங்கு நகர பேருந்துகள் அல்லது பேட்டரி மூலம் இயக்கப்படும் வாகனங்கள் இல்லாததால் இன்னும் சரியான அணுகல் இல்லை. இதன் காரணத்தால், அங்கு வரும் பயணிகள் நுழைவுப் புள்ளியில் இருந்து ஒருங்கிணைந்த முனைய கட்டிடம் வரை ஒரு கிலோமீட்டர் தூரம் நடந்து செல்ல வேண்டிய நிலை ஏற்பட்டுள்ளது.

இதற்க்கு முன், விமான நிலைய இயக்குநர் பி.சுப்ரமணி, பயணிகள் விமான முனைய கட்டிடங்களுக்குச் செல்வதற்கு வசதியாக மாநகரப் பேருந்து இயக்க ஏற்பாடு செய்யப்படும் என்று தெரிவித்தார். இதை தொடர்ந்து, நகரில் உள்ள போக்கு வரத்து துறைஅதிகாரிகளுடன் பேச்சுவார்த்தை நடத்தப்பட்டது.  அதில் எந்த முன்னேற்றமும் ஏற்படவில்லை என, பயணிகள் புகார் தெரிவிக்கின்றனர்.

விமான நிலையத்திலிருந்து வேறு ஊருக்கு செல்லும் பேருந்தில் ஏறுவதற்கு டெர்மினல் கட்டிடத்தில் இருந்து பிரதான சாலைக்கு ஒரு கிலோமீட்டர் தூரம் நடந்து செல்ல வேண்டி உள்ளது. மேலும், ​​சென்ட்ரல் பஸ் ஸ்டாண்டுக்கு, cab டிரைவர்கள், 700 ரூபாய் வசூலிப்பதாகவும் பயணிகள் தெரிவித்தனர். 

எனவே ரயில்வே சந்திப்பில் உள்ளதைப் போன்று பேருந்து அல்லது பேட்டரியில் இயங்கும் வாகனங்களை இயக்கினால் நன்றாக இருக்கும் என பயணிகள் தெரிவித்துள்ளனர்.

திருச்சி ஒரு சிறிய நகரம் மற்றும் அனைத்து உள்நாட்டு விமானப் பயணிகளும் அருகிலுள்ள பகுதிகளைச் சேர்ந்தவர்கள். அனைவரும் விமான நிலையத்திற்கு CAB இல் செல்ல விரும்பவில்லை, என பயணிகள் வேதனை தெரிவித்தனர்.

விமான நிலைய அதிகாரிகள் பேட்டரியில் இயங்கும் கார்களை இயக்கினால் கட்டணம் மிகவும் மலிவாகவும்  மேலும் பயணிகளுக்கு உதவியாகவும் இருக்கும் என பயணிகள் கோரிக்கை விடுத்துள்ளனர். அங்கு ஒவ்வொரு பயணத்திற்கும் விமான நிலைய அதிகாரிகள் ரூ.80 அணுகல் கட்டணமாக வசூலிப்பதால், அதிக கட்டணம் வசூலிக்க வேண்டிய கட்டாயத்தில் தள்ளப்படுவதாக பயணிகள் வேதனை தெரிவித்தனர்.