மாணவிகளை கண்டிப்பது போல் பள்ளி மாணவிகளிடம் பாலியல் சீண்டலில் ஈடுபட்டசீண்டலில் ஈடுபட்ட தலைமை ஆசிரியர் மீது போலீசார் போக்சோ சட்டத்தின் கீழ் வழக்குப்பதிவு செய்தனர். 

விருதுநகர் மாவட்டம் சாத்தூர் பகுதியில் உள்ள ஊராட்சி ஒன்றிய நடுநிலைப்பள்ளியில் தலைமை ஆசிரியராக பணியாற்றிவரும் சர்க்கரை தாஸ்  என்பவர் சில நாட்களுக்கு முன்பு 7-ம் வகுப்பு மாணவிகளை கண்டிப்பது போல் இவர் பாலியல் சீண்டலில் ஈடுபட்டதாக கூறப்படுகிறது. இதையடுத்து இதுகுறித்து ஒரு மாணவியின் தாயார் சமூக வலைதளத்தில் வீடியோ வெளியிட்டது விருதுநகர் மாவட்டத்தில் பரபரப்பை ஏற்படுத்தியது. மேலும் வீடியோ வெளியிட்ட அந்த பெண், போலீசாக பணியாற்றி வருகிறார் என்பது குறிப்பிடத்தக்கது.

அதனை தொடர்ந்து பாலியல் சீண்டல் குறித்து அந்த பள்ளி மாணவிகள், 1098 என்ற சைல்டு லைன் அமைப்புக்கு புகார் அளித்தனர். புகாரின் பேரில் சட்டம் சார்ந்த நன்னடத்தை அலுவலர் விஜயலட்சுமி, பள்ளி மாணவிகளிடம் விசாரணை நடத்தினார்.பல்வேறு கோணங்களில் விசாரணை நடத்தியதையடுத்து நன்னடத்தை அலுவலர் விஜயலட்சுமி,  கொடுத்த புகாரின் பேரில் சாத்தூர் அனைத்து மகளிர் போலீசார் விசாரணை நடத்தினர், இதையடுத்து தலைமை ஆசிரியர் சர்க்கரைதாஸ் மீது போக்சோ சட்டத்தின் கீழ் போலீசார் வழக்குப்பதிவு செய்தனர். தொடர்ந்து தலைமை ஆசிரியர் சர்க்கரைதாஸ் மீதுவிசாரணை நடந்து வருகிறது.