திருநெல்வேலி: ஓய்வு பெற்ற போக்குவரத்து ஊழியர் விஷம் குடித்து தற்கொலை

திருநெல்வேலி மாவட்டத்தில் ஓய்வு பெற்ற போக்குவரத்து ஊழியர் விஷம் குடித்து தற்கொலை செய்து கொண்டுள்ளார்.

திருநெல்வேலி மாவட்டம் பணகுடி அருகே உள்ள ராதாகிருஷ்ணபுரத்தை சேர்ந்தவர் பனிவாசகன்(67). இவர் அரசு போக்குவரத்து கழக ஊழியராக பணியாற்றி ஓய்வு பெற்றவர்.

இந்நிலையில் சம்பவத்தன்று பனிவாசகன் வீட்டில் விஷம் குடித்து மயங்கி கிடந்துள்ளார். இதைப்பார்த்த அக்கம் பக்கத்தினர் அவரை மீட்டு சிகிச்சைக்காக நெல்லை அரசு மருத்துவமனையில் அனுமதித்தனர்.

ஆனால் பனிவாசகன், அங்கு சிகிச்சை பலனின்றி பரிதாபமாக உயிரிழந்துள்ளார்.

இதையடுத்து இந்த சம்பவம் குறித்து தகவல் அறிந்து வந்த பணகுடி காவல்துறையினர், வழக்கு பதிவு செய்து பனிவாசகன் தற்கொலை செய்து கொண்டதற்கான காரணம் குறித்து பல்வேறு கோணங்களில் விசாரணை செய்து வருகின்றனர்.