சென்னையில் பரபரப்பு!...பலகாரத்துடன் கஞ்சா கடத்திய 3 பேர் அதிரடி கைது!

உயர் ரக கஞ்சாவை கடத்தி வந்த சென்னை மண்ணடியைச் சேர்ந்த சகோதரர்கள் உட்பட 3 பேர் கைது செய்யப்பட்டுள்ள சம்பவம் அதிர்ச்சியை ஏற்படுத்தியுள்ளது.

பாங்காங்கில் இருந்து, தலைநகர் டெல்லிக்கு 3 நபர்கள் விமானம் மூலம் உயர் ரக கஞ்சாவினை கடத்தி வந்துள்ளனர். தொடர்ந்து அவர்கள் தலைநகர் டெல்லியில் பலகார பொருட்களோடு உயர் ரக கஞ்சாவினை பொட்டலமாக கடத்தி சென்னைக்கு வந்து உள்ளனர்.

அப்போது, அவர்களை சோதனை செய்த போலீசார், அவர்களிடம் இருந்து ரூ.50 லட்சம் மதிப்புள்ள 1 கிலோ 300 கிராம் உயர் ரக கஞ்சாவை போலீசார் பறிமுதல் செய்தனர். மேலும், கடத்தி வரப்பட்ட உயர்ரக கஞ்சாவின் மதிப்பு 100 கிராம் ரூ.1 லட்சம் என தகவல் வெளியாகி உள்ளது.

மேலும், இந்த சம்பவத்தில் ஈடுபட்ட சென்னை மண்ணடியைச் சேர்ந்த சகோதரர்கள் உட்பட 3 பேரை கைது செய்து ஒருங்கிணைந்த குற்றப்பிரிவு போலீசார் விசாரணை நடத்தி வருகின்றனர்.